Gaza ram chung khuasa Hamas pawl hna nih mak hngal lo in Israel ram chungah rocket an kah lengmang ruangah Egypt nih ralrinnak a pek ve cang hna. Egypt nih cun Gaza ram chung khuasa Hamas pawl hna le Israel ram hna cu an irem khawh nak ding caah rian t’uan cuahmah a si.a sinain Hamas pawl hna nih cun Israel ram chungah a thli in rocket an kah cuahmah peng.hi thil an tuah mi cu ningcang lo thil a si tiah a chim.
Hi konghe pehtlai in Al Arabiya reports nih a chim ningah cun Gaza Strip chung khuasa mi Hamas pawl hna nih hin Palestine cozah chim ning paoh in Israel ram chungah rocket an kah mi hi a si tiah a chim. Egypt nih cun Hamas nih Israel ram chungah rocket hriamnam a kah peng mi cu a ran nak in a mak a hau lai.zeicatiah hi thil a tuah peng mi cu ningcang lo thil a si caah a mah le a mah a rawh tinak a si cang lai tiah ralrin nak a pek chap hna.
Saudi TV nih a chim ningah cun Egypt nih Gaza ram chung um mi Palestine mi hna le an hawi le a si mi Hamas pawl hna le Israel ram he an i rem khawh nak ding caah biatak tein rian a t’uan.asinain Palestine le Hamas pawl hna an cawl cangh ning zoh tik ah Egypt nih a peh zulh te lai tiah ruahchan awk a um tuk ti lo tiah a chim.
Cun, Egypt nih cun Israel le Palestine, Hamas hna nih remdaihnak ser dingin minsen an rak thut cia mi a rawk hmasa tu cu Gaza ram chung khuasa Palestine le a rian t’uanti hawi hna an si.zeicatiah cun Israel ram nih cun an mah hna he remdaihnak ser cu a duh i cu hlan ah minsen an rak thut cang mi cu a theih peng ko.asinain Gaza ram chung um mi Hamas pawl hna nih kan mah mithmuh le kut tongh bak in rocket voi tampi an kah cang tiah a chim fawn.
Source: AF
