Egypt ram ah tlangbawi rian a rak t’uantu (Nedjemankh ) ruak kuang cu kum 2011 lio in mi zei ti theihlo mi hna nih an rak fir piak hna i,cu hnu ah Tlangbawi Nedjemankh ruak kuang cu New York khaupi Metropolitan Museum of Art chungah an rak zuar i,New York, Metropolitan Museum of Art ah cun kum hnih tluk an chiah ta manh tiah an chim.
Egypt ram ah tlangbawi (Nedjemankh ) ruak kuang hi kum 2100 tluk a upa cangmi a si pin ah a ruak kuang chungah hin hlawnthil tampi an chiah chih.a firtu hna nih a ruakkuang chungah an chiah chih mi hlawnthil hna cu an lak dih i a ruak kuang lawng hi New York khaupi Metropolitan Museum of Art ah an zuar tiah an chim fawn.
Hi konghe pehtlai in America nih dothlatnak a tuah tik ah a firtu hna cu an theih kho rih hna lo na in Egypt tlangbawi ruakkuang a si ti cu fian ten an theih caah a ngeitu Egypt ram sin ah nizan ah khan an pek t’han hna tiah an chim.New York Official hna le global art trafficking network rian t’uantu hna nih cun Egypt tlangbawi ruakkuang a firtu hna hi mifim thiam le thil theihtuk mi an si caah document deu hmangin an zuar khawh nak a si tiah an chim.
Cun,hi thil a tuahtu hna hi fawn tein theih khawh an si lai lo tiah an chim fawn.Manhattan District Attorney Cyrus nih cun tlangbawi ruak kuangah an chiah chih mi hlawnthil hna cu pakhat hmanh hmuh awk a um ti lo.cun,hi ruakkuang a firtu hna nih hin Egypt ram chung hlawnthil tampi an fir cang na in a tu tiang theih khawh an si lo.hi thila firtu hna hi Egypt ram thil sining a theih taktak tu an si pin ah fimthim nak le thil tikhawh nak a ngei mi an si kho tiah a chim.
