Egyptian Military Intelligence Pawl Hna Ramri An Tlawn Lio Ah Rocket In Kah An Tong Than

Gaza Strip um tapung pawl hna nih Israel ram cu rocket pakhat in an kah t’han hoi taih Israel ramri vengtu ralkap hna nih an chim.cun, hi tibantuk in Gaza Strip ram chungum tapung pawl hna nih rocket hriamnam an kah lio ah hin Egyptian military intelligence ralkap pawl hna nih Israel ram le Gaza Strip ram karlak ramri ah buaibainak a um cuahmah nak hmun hna cu check hlat nak tuah dingin ramri an phanh bak a si tiah an chim.

Egyptian military intelligence ralkap pawl hna nih a tu bantuk in Gaza ramri ah an rat nak hi Hamas tapung pawl hna le Israel cozah karlak ah remdauhnak ser dingin le Palestine nih Israel he remdaihnak ser lo dingin biachahnak a tuah t’han mi hna cu a thar in rian t’uan t’han dingah a rak ra mi hna an si tiah an chim.

 

Zarhte nizan ah khan Israel cozah nih a ngeihmi raltuknak vanlawng Jets nih Gaza ram chungah khuasa Hamas tapung pawl hna um nak hmun cu hmunthum in kah a timh hna.Israel nih cun Gaza ram chungah khuasa mi Hamas tapung pawl hna kah a timh hna nak cu Palestine caah rian t’uantu le kar hlei a lamtu an si tiah a ruah.asinain Israel nih kah a timh mi hna cu a t’hulh t’han i Hamas pawl hna um nak hmun central Gaza tu kah t’han a timh.

Palestine cozah nih cu thawng a theih tik ah Israel nih Gaza ram cu a ram pum ning in rawh dih a zalh cang.Gaza ram chung khuasa mi vialte hna caah Gaza ram cu hmunhim a si ti lo tiah Statement a chuah fawn.cun tuzan ah Gaza ram chungin rocket pakhat a rak zuang mi nih Israel ram mi hna cu oakhat hmanh a hliam hna lo na in ramri ah a um mi Palestine ram mi tu nih hliamhma an tuar tiah Times of Israel staff contributed to this report nih a chim. AFP

Author: Salai Ephraim