Electric Mei A Siam Cuahmah Lio Ah A Hawi Le Nih An Theilo I Mei An Kalter Ruangah A Ut Dih

Assam State Electricity Board rian t’uan cuahmah mi Mr Robin Das cu electric line t’hatlo ruangah mei siam dingin electric tungah a kai i mei a ser cuahmah lio ah cun a hawi le nih an thei lo i mei an kal ter caah Mr Robin Das cu electric tung cungah mei nih ut dih lak in a kangh i a nun nak a liam tiah an chim.hi thil konghe pehtlai in Assam State Electricity Board (ASEB) employees rian t’uantu hna chungin minung pahnih cu tleih an si.

 

An tleih mi hna hi Mr Babul Ali le Mr Dambarudhor Borah hna an si.mah hna pahnih nih cun Mr Robin Das nih electric tung cungah kai in mei a ser cu kan thei hrimhrim loh.kan theih lo caah mei tha kan kalter mi tu a si tiah an chim. asinain Mr Babul Ali le Mr Dambarudhor Borah hna cu Assam Power Distribution Company Limited nih an rian in an chuah hna pin ah mithi chung khar hna cu ting 2.3 Assam Power Distribution Company Limited nih an pek hna tiah an chim.

 

Cun,Assam Power Distribution Company Limited nih Mr Robin Das chung khar hna chungin a cozah rian t’uan kho an um a si ah cun rian t’ha mi pek dingin biachahnak an tuah piak hna tiah an chim fawn.Mr Robin Das hi Assam, Power & Electricity Department ah rian t’uan cuahmah mi a si i Electric ser dingin tungah a kai i rem tein a t’hut hnu ah ruahlo pi in meithazaang cu a rak tik ah a tai in hri a khinh mi zong san tlai lo bantuk a si.zei cahtiah mei nih a vun leih lio ah hin tangah a tlak khawh lo caah a luh a ut dih hnu in a lu cu hmun dang ah a tla i a pum cu hmun dang ah a tla tiah an chim.

 

Chief Minister Sarbananda Sonowal nih cun District administration le APDCL hruaitu hna sin ah hi thil a can ning konghe pehtlai in thil sining fiang tein dothlatnak tuah dingah nawl a pek hna pin ah a cozah min in mithi chung khar hna cu indian phaisai ting 2 pek dingin nawl a pek hna tiah an chim.cun Additional Deputy Commissioner nih cun District Magistrate of Biswanath Diganta Baishya hruai nak in thil umtu ning felfai tein dothlatnak tuah ding ah a tawl rel cuahmah tiah an chim.