Falam peng ah Facang man a kai tuk ca ah mipi an lungre thei

Ralkap council nih nawlneihnak dik lo an lak hnuah Chinram peng kip ah kah dohnak a um i pehtlaihnak lamkip tampi zawh ngam loin ralram ah a cang mi tampi a um,Kalay Myo in Chinram hrangah thilri phur ṭawntu motor pawl hi ralkap pawl nih an check hna i lam pi ah ah tangka tampi an hal ṭheu hna ruangah motor tampi cu Chinram kal ngam loin an um.

Motor thilri phur ṭawn tu pawl an tam lo tikah Rasen man cu nikhat hnu nikhat in an kai chin leng mang Falam pengah hin May thla hrawngah khan Eramin Rasen dipkhat ah 52000MMK a si i, tu thla August thla thok ah 60000MMK ah a kai tiah theih a si.

Khawte tampi hrangah ei le dinding ngei loin harsatnak tampi an tuar rih lai. Kawm hmun lo tuah ding a si zong le a hlan ban tuk in fur ruah i bochan in lo thlawh khoh a si ti lo, chawleh chawkawl nak le a pit deuh deuh ,Zei tin dah khua kan ruah hnga? NGO, INGOs, CSO pawl sawm in ṭan lak khawhnak ding timhtuah cia a hau Lothlawh a duh tuk ko na in ral buai ruang le Leiram that ti lo ruang ah Lochung thil chuak thlai hnah pawl zuar khoh ti lo ruang ah harnak tuar mi tam pi an um cang lai.

Fang man a kai deuhdeuh than lai,Zei ruangah ti ah cun Kawlrawn lei facang chuah ṭawnnak Kalaymyo siseh, a dang khuapi dang pawl zongah Lotuahtu tampi ralzam in an um ruangah tu kum hi facang a chuak tlawm lai ti ah theih cia a si . A tuhman ah hi tluk in fang man a kai cang ,Kum vai thal lei ah zeitluk in dah a kai rih la ti kha theih khawh a si rih lo.

Falam peng khuate dirhmun ruah tikah chungkhar pakhat nih thlakhat ah phaisa lutt 5000MMK hmanh an ngei lai lo. Cu hna nih cun facang tun khat ah 60000MMK (thawng 60) i cawk cu a har ngai ding mi a si, tangka hlawh nak ding le a um fawn loh kan Falam peng mipi hrang ah zei tin hma lak pi ah dah a tha bik lai ti hi mah le hmuh dan le ruah dan cio kha kau deuh in ruah caan a cu cang lo maw?

Salai Christo Pa Bawi

Author: Salai Ephraim