Falam Peng Hrang Saduhthah 2021 le 2022 sung ah Falam peng mi Kalay lam ih vai an um hnuaihni zo. 1988-2017 dinhmun kan zoh tikah Falam peng mipum kan karh lo. 1990 in Falam peng mi tampi an vai ciamco ruangah mipum kan karh thei lo a si bik. Tu dinhmun in kan feh rero ahcun tuhnu kum 20 khalah Falam peng ah mipum ting 1 kan kim thei lo ding.
Curuangah tuhnu lam cu hmailam kan ram hrang ruat in vai nawn lo dingin forh aw rero sehla duh a um zet.
Falam peng hrangah ziangmi ṭhansonak lam tuah sehla a ṭha ding timi cu hivek lam thiamnak nei pawl ṭuanvo ah ret sehla. Thupi ih rel ka duhmi cu Khawte um pawl in khawpi sung kan pan pei timi hi a si.
Cule khaw fate deuh pawl kha kiangkap khua thawn komkhawm aw theinak lamzin hawl ding hi a si. Hihi thil harsa zet a bang nain mipi in hmailam kum 20/30 tiang kan ruah a si ahcun thil harsa a si lo ding. Kan pupa luruh phumnak, kan pupa khawsahmi tivek ah buaipi hnakin a ra lai ding mi tefa le tufa pawl hrang khua kan ruah ding a thupi zet thlang. Minung hi a liamcia hrangah kan nung loih hmailam hrangah nung kan si.
Mipum tamnak ah sumtuahnak a ol deuh timi hi kan theih ding a thupi zet. Hakha khawpi khi mipum 35000 lenglo an um zo tikah pumcawmnak a ol deuh. Cuvek in Falam khawpi, Rihkhawdawr khawpi le Waibulah khawpi khal mipum karh dingin khawte lam pawl kan kokhawm a ṭul.
Credit: Salai Thawngpi
