Falam Peng Ralhrang Hruaitu An Lu Bik A Kehnih A Bul Pin Ah Lam Hmuhsaktu Ralhrang A Micaw Lak In An Phomh

Nizan Falam peng kahdohnak Update Falam peng chung hmun pakhat ah CNDF nih mine an domi cu January 19 ni ahkhan SAC ralhrang hna nih voithum bak an lamh sual caah SAC Kawl ralhrang 7 an thi i minung 10 hliam an tuar. SAC Kawl ralhrang lei i, Captain pakhat cu a kehnih a bul i, cu hna Kawl ralkap hruaitubik cu a mit a caw tiah thawngpang theih a si.

January 23, 2022 ni ahkhan Falam peng, Zawnglei khua pawng ah CNA, CNDF ṭangți nih SAC Kawl ralhrang a ra liomi cu chunnitlak an rak kah hna caah, SAC ralhrang lei in minung 13 an thi i, 11 hliam an tuar. CNDF lei in paralṭha pakhat a nunnak a liam i, țangți Chin ralkap lei in hliam faak lemlo hmumi 4 an um.

Cun January 25 ahkhan CNDF le CNA ṭangți in SAC Kawl ralhrang he an i kap țhan i, Kawl Ralhrang 4 an thi i, minung 5 hliam an tuar. Pathian kilvennak in Chin ralkap țangți lei in hliamtuar an um lo tiah theih a si.

Credit: Salai Thomas Lian

Author: Salai Ephraim