Falam Peng Rihkhuadar Khua Ah Ralhrang Le CDF An I Kap Cuahmah

Rihkhuadar Pawng Ah Meithal Puah Thawng An Theih! Mizoram Lei Ah Mipi An Zaam!Falam peng, Rihkhuadar pawng ah nihin January 29, chunhnu in meithal puah thawng theih a si. Meithal puah thawng theih a si hnu in mizapi cu thinphang thlalau ngai in an um hna i, an thilri he Mizoram lei ah zeimawzat cu an zaam hna, tiah theih a si.

A luancia January 25 zaan suimilam 8 hrawng zong ah khan Rih Ralhrang Sakhan in bomb puah thawng an rak theih cang. January 25 zan bomb puah thawng an rak theih lio ah hin mizapi cu thinphang le thlalau ngai in an um i, a zanzan in mizoram lei ah an rak zaam hna, tiah theih a si.

 

Ralhrang nih zeiruang ah dah bomb an puah ti cu an thei lo nain, anmah le mah i hronak ah an puah mi a si ṭheo lai, tiah khuachung mi hna nih cun an ruah. Nihin meithal an puah zong hi zeiruang ah a si, theih a si rih lo.

Credit: The Chin Post

Author: Salai Ephraim