Falam Peng Taal Khua Ah Inzuat Satil Arva An Thah Piak Dih Hna Pin Ah Biakinn Chungah An Duh Paoh An Tuah

Falam Peng, Taal Khua ah SAC Ralhrang nih Biakinn an Tlok, Innzuat Sattil an Thah Dih.Falam peng, Taal khua ah SAC ralhrang pawl ni 5 chung an caam i biakinn telh in innchung thilri an tlok dih hna.Khuami hna i innzuat sattil vialte zong an thah i an ei dih hna, tiah khuami pakhat nih a chim.

“Biakinn chung ah an duhduh in an lut. Biakinn chung zong a rim a chia dih cang. Khuachung inn pawl zong meithal in annkah dih hna. Inn 20 hrawng hi cu a that in sak an hau lai,” tiah a cunglei khuami nih a chim.Atutan hi SAC ralhrang nih Taal khua a voi hnihnak an luh hnawh a si.


SAC nih Myanmar rampi uknak an chuh caan thawk in nihin ni tiang ah SAC zaamtak in CDM a lutmi ralkap 1,500 hrawng an si cang, tiah CDM a lutmi ralkap pawl a bawmtu Captain Lin Ttet Aung nih a chim.”CDM a lutmi ralkap mi tam u hi rank niam an si hna. Sergeant rank le rank ngei lo an tam i, Lieutenant Major le Major rank a simi ralkap 100 hrawng zong an i rel,” tiah Cpt. Lin Htet Aung nih a chim.

“CDM a tuahmi ralkap pawl ttha tein zohfelnak le checkhlatnak tuah a si tik ah an zapi in raldohnak lei ah an panh kho rih lo. Raldohnak taktak a chuah tik ah cun i teltum a duhmi an tam deuh,” tiah a chim chap.June thlahthawh tiang ah khan CDM a tuahmi ralkap 800 hrawng lawng an rak si i, atu August thlathawh ah acheuchum an karh. Cpt. Lin Htet Aung zong hi DSA-No. 54 in ralkap cawnnak a dihmi a si i, April thlathawh lei ah CDM ah a rak lutmi a si. Atu ah cun SAC ralkap chung in CDM luh a duhmi pawl pehtlaih le bawmhchanhnak lei ah ttuanvo a lami a si.

Credit: The Chin Journal