Fim A Cu Cang! Kawl Ralkap Nih Hriamnam In Tlangcung Miphun An Kan Uk Dih

Fim a cu,i t’hangh a cu cang.Kawl ralkap nih cun hriamam le meithal hmangin Tlangcung miphun vialte an kan uk dih i kan ram le inn lo,kan Sat’il Arva tiangin an kan chuh dih cikcek.cu pin ah Sagaing le Magway ramt’hen inn lo zei maw zat cing an lak dih cang.NLD nih cun Tlangcung mi hna zawnruahnak ngeilo in phunghram har taktak an ser hnawh.

An mah kut tangah Tlangcung mi hna umter peng i,an mah duh mithil paoh tuahter peng an kan timh.Tlangcung mi hna nih Pupa ro hmun le hma kan ngeih mi vialte ningcang lo in an kan chuh cuahmah.NLD nih Pupa ro a um lo an kan ti i,an mah duh ningin phunghram an kan seh hnawh.kan mah le Pupa ro hmunhma a si ko mi a Cozah nawlngeih nak ah Puro hmuhma a um lo Cozah hmunhma lawngte an si an kan ti.

NLD chuntel a si mi Chin miphun hruaitu hna zong nih dinfelnak t’anh ngamlo in NLD party chungtel an si ruangah zei bia hmanh an chim rel ngam lo.cu hlan i Pupa ro,hmunhma tiah a rak chim rel ve tawn mi hna hmanh nih a tu ah cun Pupo ro le hmunhma a um lo a Cozah hmun le ro lawngte an si tiah an chim cang.Mipi tampi zong nih Pupa ro a um lo tiah an chim rel mi tampi an um cang.

Chin miphun cu mah te in a uk mi le a pen mi kan si.cun, Pupo loram a ngei zungzal mi Chin miphun kan si.asinain a tu hi Tlangcung mi hna caah kan caan t’ha kan ngeih lio te a si ruangah,Tlangcung mi caah hlawk nak a um lo mi le kan zatlaknak thil a si mi Kawl phunghram a dohtu dingah Tlangcung miphun ti in Party t’ha le Tlangcung mi hna nih uktu t’ha ngeih kan herh taktak ve.Hluttaw ah Tlangcung mi kan zatlaknak ding phunghram vialte a Altu dingah vote lak a herh lai.Tlangcung miphun ti in mah le miphun party t’ha kan ngeih cio a herh.cucaah ah Tho law Lairawn pa ti nak in tho law Chinram le Chin miphun ti kan hau cang.pakhat le pakhat i siosel caan a si ti lo.a tu hi kan caan t’ha ngeih chun a si.

Credit:Thang Boih

Author: Salai Ephraim