France Cozah Nih UN Backed Government Cu A Hnawl Piak Ngam Bak Ko Hna Hih

France ram defence ministry nih cun American cozah nih a rak ser mi Javelin missiles bomb cu mizei ram sin hmanh ah zuar lo ding le phanhterlo dingah biachahnak rak tuah a si.asinain cu Javelin missiles bomb cu a tuah Libya ralhrang pawl hna sin ah a phan i,Libya ralhrang pawl hna nih duh paoh in hman an timh cang tiah a chim.

American cozah nih a sermi Javelin missiles bomb, Libya ralhrang pawl hna kut a phanh caah France ram defence ministry nih cun UN nih ram kip rian t’uan nak konghe pehtlai in (Backed Government)cozah nih a sermi cu san tlai lo a si caah kan nih France nih cun kan herhlo tiah an hnawl bak ko cang.hi konghe pehtlai in Libyan general Khalifa Haftar nih cun American nih a sermi Javelin missiles bomb cu kan sin ah a phan taktak ko tiah a chim.

Cun, hi bomb hi Chaklei Libya ram chung khuapi a si mi Tripoli forces ralkap pawl hna kut ah a phan.Tripoli forces ralkap pawl hna le ralhrang dangdang pawl hna hi ipehtleihnak an nei i, mah hna pawl nih hin Libya ram chung khua zei maw zat cu an cozah kut in an lak i,an mah pennak tangah Libya ram cu chiah an timh cuahmah.Libya ram ah a phan mi American ram chuak bomb kongah UN nih a dirhmi UN-backed government nih cun dothlatnak an tuah tik ah hi ralhrang pawl hna ke Washington cozah rian t’uantu hna karlak ah thil fello mi a um tiah an chim.

 


France nih a chim ningah cun Libya ralhrang pawl hna nih American ram sermi bomb hmangin zei tik paoh ah France cozah nih a neih mi raltuknak tilawng hna le thil dangdang hna cu fawi tein Libya nih an rawh khawh.cu pin ah hi hriamnam hna hi Libya ralhrang kut ah a phanh cang caah ralhrang dangdang hna kut zongah a phan kho mi a si cang tiah an chim.France cozah nih hin Chaklei Libya ram chungah a um mi Tripoli forces ralkap pawl hna hi a cohlang kho bak hna lo pin ah vawlei cung ralhrang hna lak ah a telh peng mi hna an si.

Hi konghe pehtlai in France nih bia cu UN nih a dirhmi UN-backed government cozah lei in zei hmanh bialehnak le bia an chim mi a um rih lo.

Source: BBC