Gangaw Ralhrangbu Motor Pathum In A Rak Ra Mu An Mah Kamh Mi Bomb An I Lamh

Tuchun Pale in Gangaw lei ah a rak ra mi ralhrangbu motor pathum hna cu Tihnung taktak mi landmine bomb an i lamh caah an thi dih tiah theih a si.hi kongeh pehtlai in Khit Thit Media nih a chim nak ah cun hi ralhrangbu hna hi june 25 tu zingah khan Pale-Gangaw Road ah ralhrang tam taktak an thi tiah a chim.

Cun Sagaing Region, Pale Township ,Pearl Township Police Station nih a chim nak ah cun tuzing ah ralhrang bu motor pathum nih landmine bomb ai lamh mi hna hi an dih lak in maw an thih,zeitindah thil a can ning ti kha fiangin kan theih kho lo na in mi tam u cu thih dawh an si tiah a chim.

Amhbelte a tutan Gangaw lei in a ra mi ralhrangbu motor 3 hna hi khua zei ralhrangbu dah an si ti mi a langhter lo pin ah khua zei lei kal dingdah an si ti mi le mithi an reng le sinak zei hmanh a chim phuang duh rih lo.an i lamh mi landmine bomb zong hi PDF kamh mi si lo in an mah ralhrangbu kamh mi an i lamh mi si dawh a si tiah Khit Thit Media nih a chim.

 

Nizan june 24.6.2021 ni cu Kalaymyo mipi kan t’ah ni ah a cang! nidang chim lo tuchun nikhat chung lawngah Kalaymyo khuapi chung Khrihfa mi hna kan i phum tam cem ni a si.tuchun ah Khrihfa bak lawng kan phum mi hna hi minung 23 an si i,cu chungah can tling tein Pathian rian a t’uantu Pastor’s minung pathum 3 an i tel tiah kan theih.mithi mi hna hi ralhrang kut le Covid in a thi mi an si hna.

Nizan Kalaymyo mithi hna hi biaknak dangdang le miphun dang hna a thi mi kan telh hna lo i,kan mah Laimi Khrihfa mi lawng Kalaymyo Christian Thlanmual ah kan phum mi hna kan chim mi an si tiah Kalaymyo Christian Thlanmual lei tawlrel tu Committee Upa pakhat Pu San Thawm Thang nih a chim.

Nizan ah kan phum mi hna mithi ruak hna lak ah hin june 23 ah a thi mi hna zong an itel na in a tam deuh cu tuchun ah a thi mi hna an si.cu hlan ah a tu bantuk in mithi an tam bal lo.tuchun kan ton mithil cu lungfaktuk a si e tiah a chim.


Kalaymyo thlamual ah hin Christian, Catholic, Muslim, Budhish, Hindu le Chinese thlanmual tiin a dang tete in hmunhma tuah le t’hen cheu an si.cu chungah kan mah Khrihfa mi hna nih tuchun kan ton mi banntuk harsat nak hi a tong mi an um lo.Ramsung ramleng um Zumtu vialte hna nan thlacam bawmh kan herh ko tiah a chim.

Author: Salai Ephraim