Gen Aung San le A fanu Daw Suh Kyi hna nih Tlangcung mi hna caah zei dah tuah an duh i Tlangcung mi cungah zei bantuk ruah nak dah an ngeih i rian an t’uan.Gen Aung San nih cun Tlangcung mi hna nih hin an mah tein lungrualnak an ngei sual lai i,thil pakhat khat an tuah khawh sual lai ti a rak phan caah a mah pumpak bak in Tlangcung mi hruaitu vialte hna cu a rak ton hna tik ah duhthimnak ngeilo bantuk in pinlung sachoh a rak tuah pi hna.
Daw Suh Kyi zong nih cu bantuk t’hiam in Tlangcung mi hna cu hmun khat ah t’angt’i in rian kan t’uan ti hna lai a vun ti ve t’han ruangah kawl thluak le idea hmangin NCA sachoh tuah pi hna dingin timhlamhnak a ngei cuahmah.cun, Gen Aung San le kawlram upa hruaitu pawl hna nih cun Tlangcung mi hna sin ah kan mah he kan i fonh i rian kan t’uanti ah cun kawlram chung thil chuak ci-liah-haiba hna zong a lak te in nan hmuh dawn khawh ve lai tiah an rak ti hna.
Tlangcung mi hna nih nan mah telawng in rian nan t’uan a si ah cun nan re a thei tuk lai.kan mah kawl he rian kan t’uanti hna a si ah cun Ngakt’ah ah a cang dingmi hna kha nan i sersiam kho t’han dih lai tiah an rak hlen khawh dih hna.Cu ve bantuk in Daw Suh Kyi zong nih Democracy hmuh ding hrimhrim in kan i zuam lai i,rian kan t’uanti hna lai.a bik in Tlangcung mi hna t’hancho khawh nak dinghi kan tawlrel lai tiah Tlangcung mi hna cu hlen hram a rak thok hna.
Gen.Aung San nih Tlangcung mi kongah nawlngeihnak vialte cu a rak lak dih i kawl kut tangah kan i bual peng rih.Daw Suh Kyi zong nih Gen.Aung San iTlangcung mi ram vialte a rak lak mi cu a tu tiang mak hngal lo in nor chin ve ma a timh.cun pin ah Daw Suh Kyi nih cun Pupa loram ti mi hi a um lo tiah Chinram ngeitu le loram a ngeitu vialte hna cu an kan chuh dih cang.cucu an pa fa in Tlangcung mi sin ah an lungput le an i timh mi cu a si tiah a fawi nak in chim khawh a si.Chinram le Chin miphun hna nih kan mah ta le ram a si ko mi chuh dih an kan timh ko cang.
Credit: Thang Boih Htantapin
