German footballer Mesut Ozil Nupi Thitnak Ah President Recep Tayyip Luakchuak In A Um

Vawlei cung pumpululh chuih thiam mithang German footballer Mesut Ozil cu nizan ah Miss Turkey Amine Gulse he i neihnak puai sunglawi taktak in an tuah cang.German footballer Mesut Ozil hi Turkish President Recep Tayyip Erdogan a uar ngaingai mi a si ruangah nikun World Cup lio zongah khan President Recep nih hin footballer Mesut Ozil cu a rak ton bal cang.

Mah hna pahnih konghe pehtlai in Bild newspaper nih a chim ningah cun German footballer Mesut Ozil hi Turkish President Recep Tayyip Erdogan hna cu pumpak in i pehtleihnak le i chawnh biaknak an nei peng.cu pin ah German footballer Mesut Ozil nih cun vawlei cung ka hawi t’ha bik mi cu Turkish President Recep Tayyip Erdoga hi a si tiah a chim an ti.

 

German footballer Mesut Ozil zong nih nupi a t’hitnak ah cun Turkish President Recep Tayyip Erdogan cu a sawm i cu nupi t’hitnak a tel lio ah cu reporter pawl hna nih President Recep Tayyip Erdogan cu biahalnak an tuah tik ah a chim mi cu German footballer Mesut Ozil caah kei mah cu pasal t’ha si ka timh lawng si lo in hernak a ton caan ah le buaibainak a ton caan ah Mesut Ozil caah hin bawmchantu t’ha si ka tim tiah a chim.

German footballer Mesut Ozil le a Nupi Miss Turkey Amine Gulse hi kum 2017 lio in an rak i kawm i 2018 june thla ah khan i hamnak puai an rak tuah cang.cu hnu ah a tu hi pum khat si nak taktak an tuah khawh hi a si tiah an chim.

Source: BBC

Author: Salai Ephraim