Germany President Frank Walter Steinmeier nih cun kum 80 tluk a luancang mi ralpi pahnih nak lio ah Germany nih Poland khuapi a si mi Wielun khuapi chungah bomb an rak thlak mi konghe pehtlai in Poland cozah cu ngeihthial hal nak a tuah.ni zan kha Poland ram chung vialte ah cun ralpi pahnih lio ah Germany nih Poland khuapi Wielun khua ah bomb an rak thlak mi philh lo nak campha an tuah.
Hi konghe pehtlai in Poland president Andrzej Duda nih cun kum 80 tluk a luan cangmi thil kongah Germany president Steinmeier hi tibantuk in ngeihthiam halnak a kan tuah mi hi Poland ram le Germany ram caah i pehtleihnak hriamnam t’ha bik le i hawi komhnak caah hma lak nak t’ha bik a si lai tiah ka ruah a ti.Germany president Steinmeier nih cun Poland nih hi tibantuk in Germany ram cungah ruahnak an pu kho lai ti hi ka ruat lo.asinain kan ruah lo ning pi in a t’hat nak in an kan cohlan mi cungah kan i lawmtuk tiah a chim ve.
Cun, Poland ram ah Germany ral nih an rak thah mi hna campha ah hin vawlei cung ram dangdang in palai 40 renglo an phan kho.cu hna chungah France president Emmanuel Macron, Britain prime minister Boris Johnson, Russia president Vladimir Putin le US president Donald Trump hna zong an itel kho ve.mipi hna hmai ah an mah pawl ko hi an langhter mi hna an si tiah an chim.
Germany cozah nih a tutan ah hi tibantuk in Poland ram sin ah ngeihthiam halnak le nawlpat nak a tuah mi hi vawlei cung ram dangdang hna nih a Germany ram bantuk in thil a tuahtu an um rih lo.Germany cozah nih Poland ram ah bomb a rak thlak in a tu tiangah hin kum 80 renglo bak a rau cang na in ngeihthiam a hal t’han ko hna.AF
