Germany Ram Nih Min Aung Hlaing Cozah Cu A Tuah Sermi Vialte Hi A Tuar Dih lai

Germany Nih Mipi Thim Mi Cozah Phungninglo In Hlawt A Duh Lo Kawlram mipi nih an thim mi cozah phungning lo in an hlawt mi kan cohlan lo tiah Newyork ah a um mi permanent mission of Germany to the United Nations nih a thanh.Mah bia hi Germany UN palai changtu Gunter Sautter le Kawlram UN palai U Kyaw Moe Htun hna July 31 nih an i tonnak ah Germany palai nih a chim mi a si tiah theih a si.

Atu bantuk Kawlram nih harsatnak an ton lio ah Germany nih Kawlram mipi lei ah a dir peng ko tiah UN palai Gunter Sautter nih a ti.Ralhrangbu cawlcanghnak le sualnak a tuah mi hna cu Germany nih kan colhan khawhlo bantukin a thiltuahmi cungah tuanvo a lak a hau te lai tiah Gunter Sautter nih a chim tiah Germany permanent mission to the United Nations nih a thanh.


Innhngak Cozah Chin Ramkulh Chief Minister Ah Pu Ngun San Aung Khinh A Si Ralhrangbu Chin ramkulh SAC chairman a tlai lio mi Pu Ngun San Aung khinh cu August ni 1 fonh mi ralhrangbu ah innhngak cozah nih Chin ramkulh vuanci-choh ah rian a khinh.Nihin fonhmi ralhrangbu innhngak cozah nih pengkulh/ramkulh thithruainak council pengkulh/ramkulh cozah cu vuanci choh le vuanci 6 le upadi choh tiin mi 7 he a fonh.

Vuancichoh tang vuanci hna cu; Security and border affairs minister– bo-hmu-kyi Han Win Aung, Natural resource minister – U Kyaw Nyein, Social affairs minister – U Nay Lin, Economic affiars minister – U Han Cin Zam, Road transport minister – ye-hmu-kyi Soe Lwin Moe, Ethnic a ffairs minister – U Sein Htun Hla hna an si.Pu Ngun San Aung hi 2010 USDP cozah chan lio ah termkhat chung lam vuanci a rak tlai cang mi a si.

Credit: The Chin Post