Good News Teinak Thawngpang KIA Le PDF Fonh In Ralhrang Tam Taktak An Thah Hna

Teinak Thawngpang: KIA Le PDF Fonh Nih SAC Ralhrang 25 An Thah Pinah An Hriamnam Tam Tak An Lak.Sagaing ramthen, Pinlebu myone, Yan Inga khua le Saataungpung khua kar ram lak hmun pakhat ah Kawlin Laka khua lei in a ra mi SAC ralhrang 100 hrawng cu KIA nih a hruaimi Kawlin, Wanto, Pinlebu PDF ralkap phu hna cu tuzing September 24 ni, zinglei suimilam 11:50am hrawngah an i kah i SAC ralhrang lei in 25 an thi pinah hliamhma tuarmi zong an tam ti si.

PDF lei in minung 5 nih hliamhma (thinphang ding um lo) an tuar ve tiah NUG Defense Ministry lei nih thawngthanhnak an tuahmi chirhchan in Khit Thit Media nih a tarlangh.Cu kahdohnak ah SAC ralhrang ngeihmi RPG zunkhat, 60 mmm zunkhat, le hliamnam hme tam lak te an lak/ting tiah theih a si.

September 22 ni zongah Pinlebu myone, Mu tiva donhhlei cungah SAC ralhrang pawl le Kawlin, Wanto, Pinlebu PDF pawl kar kahdohnak a chuak i SAC ralhrang lei in 15 an thi i Boci pakhat a phei kiak pinah hriamnam tampi an lak rih tiah NUG thawngthanhnak ah an langhter chih ti si.

“September 22 ni, Mu tiva donhhlei ah a cangmi kahdohnak ah thilri tam tak an lak kho. meithal cu zun hnih lawng an lak. Uico ralkap pawl an zam dih i an meithal pawl cu Mu tiva chung ah an hlonh i an zam hna” tiah Kawlin PDF nih Yangon Khit Thit Media ah an chim.

Ref: KTM ( Chinland News Agency – CNA)

 

Author: Salai Ephraim