Good news: US Um Chin Miphun Ngakchia Pakhat Ah $ 285 Bawmhnak An Hmuh Lai

Hngakchia pakhat ah U$ 285 bawmhnak kong thawngthanh.Sianginn ah nan fale a lakin (free) siloah a man thumh in chuncaw einak kongah bawmhnak a ngahmi an si ahcun zeihmanh tuah hau loin hngakchia pakhat caah U$ 285 an rak rawn tiin theih asi. Foodstamp a ngahmi hna cu nan foodstamp ah an rak rawn ti asi. Nanmah lei in zeituah hmanh a hau tawn lo.

 

 

 

 

 

 

 

 

 

 

Hi bawmhnak hi hngakchia kum 5 in kum 21 tiang a ngei i, an fale sianginn ah chuncaw alakin siloah man thumh in einak ah a telmi an si ahcun an ngah khawh.Hi bawmhnak ngah dingin nai ruah ve nain atu tiang na ngah lo ahcun P-EBT chon hna . An phone: 833-613-6220, nikhat ni in ninga ni tiang an on. Zingka 8:00 am in 6:00 pm tiang an on. Holh na thiam lo zongah holhlet an ngei ko caah zeihmanh phang ding a um lo.

 

Relchap>Dallas Downtown ah zan ah chawhvah rih lo dingin an kham chung.5. 31. 2020 zanlei thawkin Dallas downtown kiangkam asimi area ah zanlei 7pm in deilei 6am tiang ah chawhvah an kham. Chawhvah an khamnak area pawl cu Dallas Downtown le a kiangkam hrawng hi an si. Dallas palik lubik U. Reneé Hall nih tuhnu ni tlawmpal chung cu hi Dallas downtown le a kiangkam chawhvah khamnak cu a nung rih lai tiin a chim.

 

 

 

 

 

 

 

 

 

 

Nain na riantuannak ruangah Downtown kal na hau ahcun tlaih khih na ngah lo. Riantuan le siizung kongah umkal a herh ahcun tlaih na si lai lo.Sihmanhsehlaw, Dallas downtown ah na chawhvah sawhsawh le na rian um loin na kal sual ahcun an in tlaih khawh i, thonginn ah 180 tiang thong thlak khawh na si, cun $ 1000 tiang liamter in dantat khawh na si.

Credit:Salai Z T Lian