Google Zong Nih China Huawei Company Rian Tuan Nak Cu A Phih Piak Dian Hna

China ram company lian cem mi Huawei pawl hna cu US cozah nih an rian t’uan ning a t’halo ti ruangah black list ah a chiah hna le cangka tein Google parent company, Alphabet pawl hna nih Huawei company hna cu rian t’uan kho lo in hardware, software transfer. technical service pawl hna cu a phih piak dih hna tiah an chim.

Asinain Huawei nih a sermi smartphone ah Google apps a hmang mi hna caah cun download apps update khawh nak ding lam kan awn piak hna tiah Google nih an chim fawn.

 

Hi ruangah hin Huawei company nih cun Google Android operating system update khawh nak thilri tampi a thlau cang i an mah nih an sermi smartphone kong zongah buaibainak a chuak kho cang tiah an chim.

 

Cun Huawei smart phone thar, Android hmangmi vialte hna nih Google Play Store, Gmail le YouTube apps kan rak hman mi vialte hna zong hman khawh ti lo in a um kho cang.

Huawei nih a thar Android public version lawnglawng a hman khawh cang lai.US President Donald Trump cozah nih cun Huawei Technologies Co Ltd hna cu black list ah a chiah hna i US company vialte hna cu China sin ah zei thil hmanh nan zuar lai lo tiah a kham hna.

Ref: Vanglaini

Author: Salai Ephraim