Greek ram cu an cozah rian t’uantu hna ithimnak an tuah i a cozah rian t’uan cuahmah lio mi Syriza party cu, naite ah an dirh mi New Democracy party Mr Kyriakos Mitsotakis nih fak taktak in a tei hna.Greek ram nih a tu bantuk in ithimnak an tuah mi kongah seat an lak ningle an hmun ning hna cu ningcang tein nizan ah khan mipi sin ah phuan nak an nei i,cu an phuan ningah cun khuaruahhar taktak in Mr Kyriakos Mitsotakis party thar New Democracy nih seat 72 bak in a tei hna tiah an chim.
Greek Parliament seat ah hin seat 300 a um i cu chungah cun New Democracy party thar nih seat 158 bak seat a neih i,Greek Communist party pawl hna nih cun seat 300 ah parliament ah seat 15 te kawng bak an hmuh khawh.cun, Greek Movement for Change party pawl hna nih seat 300 ah cun seat 22 telawng an hmuh ve.cun,Athens hrambunh MeRA25 party nih seat 9 telawng bak an hmuh khawh.
Cun,a zum ngaingai mi Greek solution party pawl hna zong nih seat 10 telawng bak an hmuh fawn.Greek ram a pen cuahmah lio mi Syriza party a cozah zong nih parliament ah seat 300 chungah cun seat 86 te lawng bak thlingza in an neih.a tutan Greek ram ithim nak ah party thar hlam ngai mi Mr Kyriakos Mitsotakis party New Democracy nih hawi hlei in parliament seat 300 chungah seat 72 a hlei bak in a hmuh ning cu thil mak taktak a si.
Cun,a tutan ah Greek ram ithimnak ah khuaruahhar in teinak a hmutu New Democracy party hruaitu Mr Kyriakos Mitsotakis hi caan saupi chung Greek Prime Minister rian a rak t’uantu Konstantinos Mitsotakis i a fa pa a si.Greek president Prokopis Pavlo poulos nih a tutan an ithimnak kongah zei hmanh ningcanglo thil a um lo caah Mr Kyriakos Mitsotakis Greek ram Prime Minister rian khinh nak zong a tuah cawlh tiah an chim.
Source: BBC
