Hakha Bethel Baptist Church Rev Ram Hei Nih A Kan Liam Tak Eee

Hakha ah Rev. Ram Hei a Nunnak a Liam.Nihin (August 3) zaanlei sml. 4:00 ah Rev. Ram Hei cu Hakha sizung ah a nunnak a liam.Rev. Ram Hei cu Hakha, Bethel Baptist Church ah Pathian rian a ttuan liomi a si.Oxygen pek buin ni zeimawzat an zohkhent hnu ah nihin zaanlei ah a nunnak a liam hi a si.

Hakha Community Care Center ah COVID-19 Test Khawh a Si Cang.Hakha Township Public Healthcare (HTPH) tawlrelnak in Community Care Center cu BEHS-3 sianginn ah nihin ah an on cang.Thaizing zaanlei sml. 1:00-4:00 karlak ah COVID-19 zawtnak ngeih le ngeih check awk ah ahopaoh rak fuhpanh khawh a si, tiah thawng an thanh.Community Care Center onnak cu HBA le HCMF kan pale nih Pathian sin pekchanh thlacamnak in an tuah.

Mindat Khua Innchung ah Nu Pakhat COVID-19 in a Thi.Mindat khua i inn pakhat chung ah nu pakhat cu zatlang nibawmtu hna nih nihin (August 3) zinglei ah a ruak in an vung hlawm.Nihin zinglei sml. 6:30 hrawng ah a nunnak a liam i, zawtnak an check tik ah COVID-19 zawtnak a rak ngei.

A thimi nu hi Kyauhtuh lei ah ralzaam in a um i August 2 ah Mindat khua ah a rak tlungmi a si, tiah Mindat zatlang mibawmtu bu nih an chim. Atu tiang Mindat khua ah COVID-19 Positive minung 20 hrawng an hmuh cang hna.

Credit: The Chin Journal