Hakha CDF Commando Pawl Caah Sui Bik Thang Nih Sia Kikawng A Thah Piak Hna

HAKHA CDF COMMANDO pawl caah Kakawipa Sui Bik Thang nih Dawtnak zanriah dumtti nak caah tiah SIA kikawng bak a thah piak hna. $ ahlut mi cu hei um rih ko seh. Asunglawi tuk ai. Hakha unau dang zong Sia ,Caw ,Na ,Vok ,Ar thah piak aduh mi Welcome peng nan si. Keimah sin ah contact khawh peng ka si.Hakha fa le hna daitlan angah bak lo hi mu. Thla fatin kan rian zong philh hlah uhsih! Nan thlacam nak zong ah philh hlah uh law.Hakha nan hawi le poah ithanh chin uh!Credit:Siang Kung

Relchap: US president Joe Biden nih Afghanistan in kan ralkap kan lak ruangah i chir nak ka ngei lo. Afghanistan hruaitu hna cu an ram caah lungrual tein an doh ding a si tiah bia a cah hna.US ralkap nih kum 20 renglo Afghanistan ah an umpi hnuah a ralkap hna cu US cozah nih a lak cang hna.US ralkap an kir le cangka in Taliban hna cu biatak tein an cawlcang i, Afghanistan province 34 lakah 9 cu an lak khawh cang.

Joe Biden nih US nih Afghanistan sin ah kan biakam vialte kan tlinh dih.Airport kan pek, ralkap hlawh pin ah Afghan ralkap ei din le hriamnam kan pek peng ko.Asinain, ral an tuk ve ding a si tiah a chim.Atu nai Taliban le Afghan ralkap i dohnak ah mipi 1,000 leng an nunnak a liam cang.Ni fatin ngakchia hna sin namnehnak zong a zual chin lengmang tiin UN le UNICEF nih an chim.

Taliban official hna nih Pul-Khumri, Bghlan province khuapi laifang ah an thantaar an tar cang tiah an thanh Mah khuapi hi Afghanistan khualipi Kabul in kilometer 200 lawng a hlat mi a si.Kahdohnak a fah chinchin caah Afghan mipi thong tampi nih khuapi an chuahtak.Kunduz ah Taliban pawl nih Afghan ralkap nih an ven mi vanlawng tumhmun cu lak dingin an doh cuahmah ve.

Vawleicung ram hna nih kahdaihnak tuah dingin an nawl mi cu Taliban nih kan tuah kho lo tiin a chim.Pentagon nih Afghanistan in US ralkap hna cu za ah 95% lak an si cang tiah a thanh.UN high commissioner nih ram dangdang hna cu Afghanistan ramchung kahdohnak kham dingin a nawl hna pin ah UN-Afghanistan palai Mohammed Ishaaqzai zong nih UN cu Taliban hna dantat dingin a nawl ve.

Credit: The Aizawl Post