Hakha Khua Chungah Bomb Le Meithal Puah Thawng Le Ralhrang Motor Khat Lak In An I Chawk

Tuzan Hakha khuapi chungah bomb le meithal puah thawng a thang cuahmah.hi konghe pehtlai in thawngpang kan theih nak ah, ralhrang le CDF hakha kahdohnak a si le si lo kan thei kho rih lo.asinain an bomb le meithal thawngpang in cun ral le ral i kah nak thawngpang a lo.

Khua chungah mi zei hmanh a chuak vak mi kan um lo caah thawngpang fiang taktak theih khawh a si rih lo. an bomb puah thawng nih inn a tlirh cuahmah caah mipi cu kan thin kan i dawmh tiah khua mi pakhat nih a chim.khua chung hmun kip ah ralhrang palek motor an i chok cuahmah.

Cun, nizan ah khan Nawi Tiva ah rian a t’uan mi hna mipi zei maw hna cu ralhrang nih Helicopter he tang he voi khat cu an va kah hna na in mipi lei mizei hmanh hliam tuar lo in an zaam manh tiah a chim chap fawn.

Tuzan Hakha khuapi chungah a tu bantuk in bomb le meithal kah thawng theih a si lio ah Thantlang lei zong ah a tu bantuk in thawngpang theih a si tiah a chim.hi thawngpang hi update kan vun tuah than lai.