Chinram khuapi a si mi Hakha khuapi chungah Aung San len(zuk) tar an timh mi kongah Chin Youth Network nih hi tin a chim.Hakha khuapi chungah Aung san zuk tar an timh mi hi Panglong Conference lio ah Chin mi sin ah bia nan rak i tiam mi kha a tu cu a taktak in a cozah nih nan tuah awk a si deuh tiah sep 15 ah an chim.an ca chuah mi chungah a tel mi hna cu NLD cozah phunghram chungah cun a tu bantuk in Aung san lem tar dih dingin timhtuah nak an ngei tiah a chim fawn.
Cun, Kachin le Kaya ramkulh chung hna ah Aung san milem an tar mi hna zong khi a ngaingai tiah cun Kachin le Kaya miphun hna lungtlin nak in an tuah mi a si lo.State cozah nih an mah duh nak le nawlngeihnak hmangin Aung San milem cu an phun hnawh mi hna an si tiah a chim.a tu ah Hakha khuapi chungah Aung San milem phun a tim tu hna zong hi State cozah an si.Hakha mipi lungtlin nak zei hmanh an tuah lo tiah a chim.
Abik in Chin Youth Network page nih a chim mi hna cu.Chin state,Hakha khuapi chungah mipi zei rel lo in Aung San milem phun an timh mi cu kan duh lo.cucaah kan si khawh chungin kan doh lai.cun,Panglong chan lio ah an rak chim mi,miphun t’hanchonak le Federal Union a um khawh nak ding caah biatak tein rian kan t’uanti khawh nak ding kan duh.rampi chungah remdaihnak le Federal Union tuah nak ding caah tlangcung mi hna nih zulhphung an ngeihmi hna an kan upat piak awk a si.cun, Tlangcung mi hna kan duh nak hi an kan zulh piak awk a si.
Tlangcung mi hna lungtlin nak le ruah nak zei ah rel piak lo in an mah duh paoh in Aung San milem an tar chih a si ah cun hi thil an tuah mi ruangah rampi huap in remdaihnak a um kho lai lo.chiat nak lei tu nih a pehzulh deuh fawn lai tiah an chim.Tlangcung mi hna sin ah an mah duh paoh thil a tuah a si ah cun a rauh hlan ah Tlangcung mi hna le (Bama) miphun hna lak ah miphun i huatnak an chuahter khawh.NLD cozah lio i mah bantuk thil tuah an timh mi hi cu miphun karlak ah i huatnak a chuah ter tu a si lai tiah kan hmuh.
Credit: Chin Youth Network page
