Hakha Khuapi Cu A Buai Deuhdeuh Pumhnak Biakinn A Karh Deuhdeuh Ve Zei Ti Sullam Dah A Si Hnga?

Hakha khuapi chung minung /mipi le Chin State cozah karlak buai nak lawng si lo in mipi le mipi karlak ah buaibainak tampi an um.cu buaibai nak hna cu pakhat le pakhat karlah ah an nih maw kan nih deuh dah thil a ti kho deuh lai tiah zaang-en nak lei lawng te an si.cu tluk in mipi kan sual ko bu ah Pathian nih veel a kan ngeih i Biaknak lei ah kan t’hangcho cuahmah ve t’hian ko.Hakha khuapi chung Biaknak lei konghe pehtlai in chinjournal nih a langhter mi cu hi rak rel ve.

 

Hakha khuachung ah a ummi biakinn hi a zapi 40 a si tiah Chin ramkulh Biaknak le Nunphung lei zung in thawng kan theih.Hi kong he pehtlai in Biaknak le Nunphung Zung Director U Ting Htey nih, “Hakha ummi biakinn zat le Pastor pawl cazin hi kan lak dih. Aruang cu, thawngthanh awk a um sual le biaruah awk a um tik ah fawi tein pehtlaih khawh kan duh hna caah a si.

Cun, biaknak lei rian a tuanmi nih cozah zung rian tuan chih khawh a ngah lo tik ah dothlatnak tuah kan duh pah caah si. Hakha um biakinn a zat hi kan cazin ning ah cun a dihlak 40 a si,”tiah The Chin Journal ah a chim.An cazin chung ah a ummi Biakinn 40 hna cu Doctrine in then than an si. Cu hna cu,“ Baptist Biakinn 17 a um. Believers Biakinn 5 a um. UPC Biakinn 3, Methodist Biakinn 3 a um.Assembly of God pahnih. Gospel Biakinn pahnih, Sabbath Biakinn pahnih, Jehovah Witness Biakinn pakhat. The Church Biakinn Pakhat, Mara Evengelist Biakinn pakhat. Tabernical Mission Biakinn pakhat. Presbyterian Biakinn pakhat. Roman Catholic Biakinn pakhat,” ti in doctrine Biakinn 13 le biainn (40) ti in then an si.

 

Biakinn 40 ah Pastor a tuanmi an zapi 261 an si i, Khrihfabu member dihlak 47739 an um tiah Biaknak le Nunphung lei zung cazin ning in theih a si.“Biakinn sak tik le biakinn remh tik ah kanmah sin ah theih pinak ca lak a hau zungzal. Asinain, kanmah theih pinak tel loin biak inn a remhmi an um len. Dantatnak tu cu kan tuah rih lem lo. Aruang cu, Hakha cu Khrihfa umnak hmun si i, anmah le pawngkam an tlamtling ko a si ah cun a poinak um lem lo tiin kan theih thiam hna,” tiah a chim chap.Biaknak lei he aa pehtlaimi zulhphung zong Myanmar Rampi huap in tuah cuahmah lio a si tiah thawng kan theih.

 

Credit: chinjournal

Author: Salai Ephraim