Hakha Le Falam Pastors Cheukhat Nih Ralhrang Hlennak Le Soilem Nak Phaisa An Lak Mi An Khirh Veve Hna

Chinram khualipi a si mi Hakha khua Pastors cheukhat le Falam Pastors cheukhat hna nih ralhrang soilem nak le mi deh hlen nak phaisa bawmhnak an lak mi cu khirh veve an si cang tiah theih a si.hi thil an tuah mi ( khirh mi ) hi thil t’ha taktak cu a si ko. hmailei zongah mah bantuk hin a phunphun in Min Aung Hlaing cozah nih a tuah rih te lai.

Min Aung Hlaing cozah nih mah bantuk soilem nak a tuah mi phaisa le eidin hna hi Chinram ah cun lak hrimhrim lo ding!a la tu le a cohlang tu hna cu Chin miphun leirawitu le Dalaan an si ko tiah chim usih law kan palh tuk lai ka ruat loh.Min Aung Hlaing soilemnak phaisa hi Thantlang khua Pastors hna nih cun an cohlang hna lo tiah theih a si.


SAC ralkap tangka bawmhnak cohlangtu Falam Pastors nih an khirh than hna. September 5 lio SAC ralkap nih tangka bawmhnak a cohlangtu Falam Pastors (cheukhat) nih September 6 ah an khirh than hna tiah kan theih.Hihi SAC ralkap nih September 5 lio ah a si i Penguk Zung ah meeting kan ngei lai tiin an auh hna i an pek mi hna a si tiah kan theih.

Hi tangka bawmhnak a khirh thantu Khrihfabu hna cu; Ebenezer Baptist Church, Gospel Baptist Church, Revival Baptist Church, Salvation Army, EMC – Evangelical Methodist Church, BPC – Biblical Presbyterian Church pawl an si i RC belte hi bawmhnak an la lo tiah Zalen Chin Version nih a tial.Hi kong he pehtlai in Hakha Pastors cheukhat zong nih AAC ralkap bawmhnak an cohlan ve tiah theih a si.