Hakha Le Thantlang Mipi Hna Him Nak Caah Ralrin Pek Nak

Mipi ralrin pek nak:Hakha le Thantlang karlak lam cu zaanlei sml. 5:30 in zinglei sml. 7:30 tiang tlunkal lo ding in CDF-Thantlang nih an thanh.Chun caan karlak tu ah cun zalong tein tlunkal khawh a si tiah an langhter.

Caankarlak chung cu Thantlang khua mi nih khuachung luh lo in um rih hna usih!Kan chuah dih lawlaw caah humhimnak caah caankarlak te cu lut rih lo in um hna usih, khuachung luh ding in herhhai a ngei mi nih CDF-Thantlang i tuanvo ngei mi theihter ta ding in kan in theihter hna.

 

Relchap: Gangaw lei in a ra mi Council ralkap motor 40 renglo le raltuknak motor (Armoured vehicle) pahnih cu nihin, October 8 ah Kalaymyo an rak phan tiah theih a si.

Kalaymyo pawng Thayarkone khua ah Council ralhraang nih inn li an duah, khuami pathum an tlaih hna.Kalaymyo pawng ah a um mi Lai khua Thayarkone khua ah Council ralhraang pawl nih tu zing ah inn li mei in an duah, motorcycle pahnih an fir i khuami pathum zong an tlaih hna tiah theih a si.

YDF-Gangaw nih Ralhraang motor phu cu bomb 14 in an puah hna i 40 leng an thi. Gangaw lei ah a rak ra mi Ralkap Council motor 50 fai cu YDF-Gangaw nih, hmanh mi bomb 14 in an puah hna ca ah ralkap motor panga le raltuknak tank pakhat an rawk, 40 leng an thi i 30 hrawng hma an pu tiah YDF nih thawng an thanh.

Council ralkap lei nih zawndamh in meithal an kah i, YDF-Gangaw ralkap pawl cu himbawm le hlawhtling tein kan kir kho tiah an langhter.Atu lio raal umtu ning ruang ah Gangaw-Kalay lam le Gangaw-Htilin lam thluan cung ah tlunkal lo ding zong theihternak an tialchih.

Author: Salai Ephraim