Hakha Le Thantlang Tuzan An Dirhumn Cu Zaangfak Ngai In Mipi Tampi An Um Cang

September 14| Thantlang khua ah 8:00 PM in atu 10:00 PM tiang meithal thawng siseh, bomb thawng siseh a dai kho taktak rih lo, a puak pah lengmang rih tiah kan theih.

“Bomb thawng he meithal thawng he kan theih pah lengmang ko rih. Chaklei Sang, Khualai (Zunghmun sang hrawng) le Thlanglei (Sianginn sang) tibantuk in meithal thawng le bomb thawng kan theih peng ko rih,” tiah khuami pakhat nih The Hakha Times ah a chim.

“Thantlang khua (Thantlang Peng chung) hi August 25 thok in kahdohnak aa pehtlai i cheuthum ah cheukhat hmanh nih khua kan hngak ti lo. Bomb thawng he meithal thawng he kan theih lengmang fawn i tarnu tarpa le mizaw caah thinphan dailo kan si ko,” tiah khua upa pakhat nih The Hakha Times ah a chim.Tuzaan September 14 zaah hi 8:30PM hrawng in Hakha khua zong ah puahkehnak pehtlai in a thang ve.


CDF-Kanpetlet nih SAC ralkap a tlawm bik 10 kahthah.CDF-Kanpetlet le SAC ralkap cu September 14, 10:00 AM hrawng, Saw le Kanpetlet kar ah an i kap i SAC ralkap a tlawm bik 10 an thi i tamlak hliamh an si, tiah cathanh an chuah.”CDF-Kanpetlet lei in aa hliam mi kan um lo. Kahdohnak pehtlai in a fah than khawh caah mizapi nih Saw le Kanpetlet kar khualtlawn le umkal i ralring u,” tiah cathanh an chuah.