Hakha Mipi Caah Thawngpang Tha Taktak A Hung Chuak Cang

Hakha ah Oxygen Plant an hun cang, lunglawmh bia an chim.Laimi Khrihfabu le zumtu pumpak cio nih COVID-19 mizaw zohkhenhnak caah le mizapi ngandamnak bawmtu caah timhtuah mi Oxygen Plant cu September 2, 2021 chun sml 12:00 ah tlamtling tein bunh le hman khawh a si cang.

1. Hi thil lianngan tuan khawh nakding ah lamhruaitu le thluachuah petu Pathian Amin kan thangthat.

2. Hi thil lianngan tuan khawh nakding ah a herh mi Kyats sing 3600 a kan hlutu Khrihfabu le zumtu pumpak cio nan cung ah kan lung aa lawm taktak.

3. Hi riantuannak caah Kyats sing 250 a kan hlutu Ni Lay Naing Co. Ltd. (Yangon) cung ah lunglawmhnak tampi kan ngei.

4. Oxygen Plant bunhnak caah kan herh bik mi hmunhma, inn, meiseh, transformer 315 KVA (Ks. sing 1500 man tluk) a kan timhtuahpiaktu Pu Thawng Kian le chungkhar cung ah kan i lawm tuk hringhran.

5. Hi thil lianngan tuan khawh nakding ah zaanghleicawi in khua a kan khanpiaktu le rian a kan tuanpiaktu Rev Dr Thlaawr Bawihrin, Rev Dr Dennis Shu Maung, Dr Maureen Dariang, Rev. Kep Lian Thang, Salai Ceu Hlei Lian le min in langhter khawh lomi miphun nih bochanmi nu le pa, u le nau nan dihlak cung ah kan i lawm tuk.
6. Pathian nih miphun le ram sersiamtu ah pehzulh in thluachuah in pe hram hna seh.

Credit: Laica + The Hakha Times