Hakha Palek Sakhan Um Pu Joshua CDM A Luh Ning Le CDF Ah Ai Fonh Ning Fianternak

Hakha Palik Sakhaan in Pu Joshua CDM ah Lut, CDF ah aa Fonh.Hakha palik sakhaan ah rian a ttuanmi Paletwa khuami Pu Joshua cu August 5 in CDM ah a lut i, CDF-Paletwa he aa fonh cang tiah thawng kan theih.August 9 ah Matupi palik sakhaan in Sergeant Pu Yu Ngai le August 10 ah Lungler ralkap sakhaan in Sergeant U Zaw Htoo zong SAC chuahtak in CDM ah an rak lut cang.


Kabul Khua Khuaci a Mui: US Ralkap Vanlawng ah Kabul Khuami pawl an i Thlai Hna.Taliban nih Afghanistan ram khualipi Kabul khua an lak hnu ah Kabul khuami tampi nih Taliban uknak zaamtak ding in Airport ah an i pong hna. Kabul Airport hi US ralkap nih atu tiang an control rih.

Afghanistan ah rian a ttuanmi US rammi pawl US lei ah phorh dih ding in Airport an control chung hi a si.
Afghanistan rampi President Ashraf Ghani zong ramdang ah a zaam cang.US nih Afghanistan in a ralkap pawl a lak tthan hna hnu ah Taliban nih Afghanistan rampi dihlak in an lak dih colh.

August 6 ah Taliban nih Nimroz ramkulh an rak lak hmasa i, August 15 ah acozah tthutnak khualipi Kabul an lak. US le NATO nih tangka tampi dih in kum 20 chungpi Afghanistan ralkap an cawnpiak hna nain ni 10 chungte ah Taliban nih an tei colh hna.

Credit: The Chin Journal