Hakha Pupa Ro Kongah An Lam Zawh Mi Cu An Mah Le An Mah An I Tuk He A Lo Men Lai Inn 130 Kan Rawh Cawlh Lai

Police thazaang hmang in Cozah nih phung ning lo in sakmi Inn 130 a hrawh dih hna laiChin ramkulh cozah nih thazaang hmang in Hakha 130 cu 9 August 2019 ah a hrawh dih hna lai. Cozah nih Inn saknak nawl pek lomi 130 cu hrawh piak dih an si lai i; an saknak vawlei zong chuh an si lai.

 

Hakha khuachung thanchonak caah Meeting cu 1 August 2019 ah tuah asi i; tubantuk in hnatlaknak an tuah hi asi.Cozah nih Inn saknak nawl pek lomi Road C in a hnu lei paoh hrawh piak dih asi lai. A hrawktu dingah Police tel in minung 200 leng an si te lai.Cozah nih Inn saknak nawl pek lomi Inn 130 cu ni 60 chung hrawh dih dingin caan kan pek ko hna.

Cazong voi 3 kan pek ko hna. Anmah tein hrawk hna sehlaw a tha bik ko lai tiah Sipin minister Soe Htet nih a chim.Cozah nih saknak nawl a pek lomi cu Yangon le Mandalay zong hrawh lengmang an si. Cozah vawlei cu Cozah nih thanchonak ah tuah seh tiin NLD Policy asi.Credit: Zalen

 

Tin Duh Thang: Chinram khuapi Hakha cu a lamkip in tthangcho Seh ti hi mipi duh mi le nan duh cio mi asi. Asinain, tthancho le Khuapi kauh timh paoh ah Khuahlum hna nih buainak chuahpi lengmang asi.Hlan chan ahcun kan pupa hna nih loram an ngei cio hna i man an ngeih mi cu pupa nih tlaak tawn a rak si.Keimah hmanh nih kan lopil,ka pu nih hmawng a raktthiam mi kan tlaak kha ka theih manh ve.

Sihmanh selaw mah pawl vialte cu cozah theihpi in hmun le loram a si lo.A tu ah hin ka pu hmawngthiam mi hmun le loram tiah ttang ning law mi nih an tlaak tik ah buai hna ning law cozah nih theihpi mi ka hmun a si lo caah ka palh bak kohnga.Atu ahhin nan pupa ram kha cozah theihpi mi hmun le hma a si i license hna cozah nih an pek mi na ngeih ko ahcun cozah nih aitlaak ning in na hmun a hman ahcun a liam ding asi.

 

Sihmanhselaw nangmah le na pupa nih theih mi hmun le hma lawng a si ahcun tuchan sining in ka hmun hma tiah na tran le na au peng ahcun chan tiluan a dawilo ngaingai mi khuate fa hmanh mah ruahnak kongah a phanlo mi na si ko hnga.Cucaah,Hakha khuapi Khua tthancho seh ti nan duh ve ko ahcun na ram kha cozah theihpi mi hmanh silaw cozah nih khuapi kauhnak caah a herh ahcun item ko uh.

Cun,cozah license na ngeihlo i nangmah theih mi hmun hma lawng lebang a si ahcun na aur cang mi kong hmanh ah khan cozah sin ah ngeihthiam hal ziar ko.Mah cucu Khua ram dawt a sideuh hnga.Thancho timh paoh i rak buai ,thanchonak le dih nga fawn.Mah asilo ahcun Ralkap nih Chinram si lo in Hakha Khua lawng kha van um ta rihseh,Ralkap lio ah a dik mi na hmun kong ang ah zei na chim ngam lo kha awh.Nan lung thum ulaw Hakha khuapi cu a lamkip in thanchoter hram uh.Kai lawm.

Credit: Tin Duh Thang

Author: Salai Ephraim