Hakha Ralbawi Motor Mawngtu A Zam Mi Le Hliamhma In Ralbawizik Pakhat A Thi Mi Hna Cu

Chinram kulh khuapi Hakha Rungtlang 266 Ralbawi a P.A. le driver hna CDM an tuah mi le Nitlak lei i chaklei ralhrangbu vialte hruaitu Major Buhmuchuk, General Phwe Tanh cu kahdohnak ah hliamhma a tuar i a hliamhma tuar nak in a thi beh tiah mi thawngpang hna kongah ralhrangbu lei in chim nak nawlngaitu Zaw Min Thun nih cun hi tibantuk thawngpang a thang mi hna a deu/a dik lo mi thawnpang an si tiah fianternak a tuah.


Hakha Rungtlang um 266 sakhaan in Deputy Commander Brigadier General (North-west Commander) Myo Htut Hlaing Personal Assistant (PA) le a motor khaaltu (driver) an zaam an zam an ti mi hi a hman loh.Myo Htut Hlaing Personal Assistant (PA) le a motor khaaltu (driver) hna cu an rian pehtlai in an t’uan cuahmah ko tiah a chim pin ah Nitlak lei i chaklei ralhrangbu vialte hruaitu Major Buhmuchuk, General Phwe Tanh zong a thi lo a rian a t’uan cuahmah ko tiah a chim.

Relchap:Kalaymyo ah a um mi SAC ralkap chungkhar pawl Y-8 vanlawng in an thiar hna.Nihin October 11, zinglei 11:00 AM hrawng ah Kalaymyo um SAC ralkap chungkhar pawl cu SAC phu vanlawng Shaanxi-Y8 in an lak (thial/thiar) hna tiah theih a si.Nizaan October 10 zingka 6:30 hrawng ah Kalay Airport ah vanlawng pakhat a tum than i suimilaam cheu hnu ah a zuang than. Hi lio hrawng ah motor 20 hrawng Airport ah an luutchuak, tiah khuami nih an chim.Atu hi Chinram lei ah SAC ralkap pawl motor 40 hrawng in an kai cuahmah. Khoika lei set ah an kal lai kan hngal kho rih lo.Crd Khit Thit Media

Relchap:Ralhrangbu Nih Defense Ministry Caah Kyat Billion 1700 Leng Hman A Timh: Ralhrangbu nih October, 2021-March 2022 tiang, thlaruk chung cozah tangka hman ding (Budget) an sermi cu Oct 10, tuni ah an thanh. Ralhrang nih nawlngeihnak an lak hnuin a voikhatnak an sermi Budget ah runvennak vuanci (Defence Ministry) caah Kyat Billion 1700 leng kan hman lai tiah an thanh. Hihi vuanci zung vialte lakah budget a tam bik changtu a si.

Budget tam bikmi cu cozah riantuantu vialte thlahlawh a petu Ministry of Projects & Financial a si. Ralhrangbu chimnak nawlngeitu Bochoh Zaw Min Tun nih cun “Hihi kum hmasa budget nakin a tlawm deuh” tiah a chim. A chim duhmi cu NLD chan i Denfence caah an hmanmi budget nakin tlawm deuh kan hman tinak a si. Asinain Bochoh Zaw Min Tun nih lih a chim ti a fiang.

Ralhrang nih nawlngeihnak an hlak hlan NLD cozah chan i Defense caah an halmi budget cu Kyat billion 1300 renglo lawng a si. Ramchung buainak le kahdohnak a um lio a si caah ralhrangbu nih defense caah tangka tam deuh an halmi cu khuaruahhar ding a si lo tiah ramkhel thiamsang hna nih an chim.

Ralhrangbu nih kumkhat ca budget an halmi Kyat billion 1700 renglo chungin thlaruk (kumcheu) caah billion 9000 hman an timh. Kumcheu ca budget ah fimcawnnak caah Kyat billion 1000 leng lawng hman an timh. Ngandamnak ca hman dingmi a tlwm deuh rih. Ngandamnak ca hman an timhmi cu Kyat billion 500 lawng a si. Covid dohnak ca hman an timhmi Kyat billion 100 he fonh hmanh ah billion 600 lawng a si.

Ref: BBC ( TCP)

Author: Salai Ephraim