Hakha Ralhrang Nih Mino Kul Le Thum An Tlaih Than Hna

Updated.Tuchun Hakha ah Minung 17 an Tlaih Than Hna.Nihin chun ah SAC ralhrang nih Hakha khuachung hmun tampi ah checknak an tuah i minung 17 an tlaih hna, tiah thawng kan theih.Tlaihmi 17 lak ah kum 75 tar le kum 15 a simi ngakchia zong an i tel. Cun nu pakhat zong aa tel. Atu ca kan ttial tiang ah ahohmanh an thlah rih hna lo. September 25 zinglei zong ah khan Hakha ah minung 6 tlaih an rak tong cang.

Relchap: Chin Mi kan pa le vialte MP arak I cuh mi hna. Yangon in Laitlang ah, nan ra riamang i, hmun hma nan i cuh lio nan aw aan vialte Chin mi pi nih kan i hlam tuk hna ee. atu lio Chinram thawngpang hi nan theih ve cio dek maw ?

MP hmunhma nan rak kawl lio bantuk in, atu lio Mihar le vansang in kan auhnak aw nan kan theih piak ahcun rak kan zuam hnoh hram ko lo. zangfahnak kan in nawl hna. Hi tluk in Ralhrang nih akan tuah to ning hi nan theih ko bu in daih hihia tein nan kan um piak ko ahcun Chinram hi a pumpi tlau in a tlau cang ko hi nan sia hna a rem ko maw?

Maw lai mi MP aa cuh mi kkhua zei ah nan um dih ne?Kan ram a thleng tikah Mino hna maw? na no tuk ee, na hngalh mi a tlawm tuk ee rak ti hrim lai uh ci, Ralhrang nan ttanh tuk nak le nan dir pi ruangah Kan Chinram a hrawk tu nan si hi rak i philh hlah uh, lung akuai i, Minung ruahnak nih a celh hrim lo hi mu.
Maw ka thin.

Credit:Ram Bu Thang

Author: Salai Ephraim