Hakha Ralhrang Pathum CDF Zophei Sin Ah An Dirhmun Le Hakha Khuapi Chung Ralhrang Pakhat An Va Lak Mi

CDF-Zophei Sinah Hakha Ralhraang Battalion Dormi Um.Central Lairam, Lawngtlai, 2022 Dipa 15, East Lairam khualipi, Hakha hrambunh ralhraang Battalion 266 in ralhraang minung 3 , Zin Ko Htet , Aung Phyo Min: Tat Naing Htun hna cu Zing thla khan CDF Zophei sinah an i dor. Anmah minung lawng i dor siloin, meithal MA-2 pakhat (megazin 3), kuanfang 700 leng le kuthlonh bomb 3 zong an i ken chih.

CDF-Zophei zong nih lawmhpinak laksawng le meithal man tangka MMK sing-150 (minung pakhat ah sing-20 cio le MA-2 caah sing-80) an pek hna i, humhimnak hmun ah an chiah hna.Cu lawng siloin Palek pakhat Aung Thang zong CDM tuah a duh caah Hakha khuachung ah an va lak.

A nihhi Hakha riahbuk ah duty a hngakmi a si i G3 meithal pakhat (megazin 2) kuanfang 130, MA kuan tlawmpal le 9MM kuan tlawmpal, kuankham le palek hmanmi thilri dangdang he Sikpar 15 ah CDF-Zophei sinah a phan. Hriamnam he CDM a rak tuahmi palek Aung Thang lawmpinak caah MMK sing-80 pek le a humhimnak hmun tiang tuahvo lak a si.

Credit: The Lairam Times

Author: Salai Ephraim