Hakha Ralhrang Pawl Nih Mipi Renrehnak An Kan Nei Ti Lo Ti Hmanh A Ruat Kho Lo Mi Hakha Mipi

Hakha ralhrang pawl nih mipi cu kan in humhim hna lai tiah an kan chimh lengmang mi hi micheu nih cun an zunh taktak ko,asinain micheu nih cun kan zum hlei hna loh.na in ruah awk tampi a um rih mi cu tuzing tiang Hakha khuapi chung kahdohnak a chuak mi ah Mipi kan dirhmun zoh tik ah Mipi hi luak kan chuak ko rih.

Kan hnu lei ah CDF chungtel pakhat nih kahdohnak a um cuahmah lio ah Mipi kan cawlcangh ning kong cu a rak chim cang.zei kan ti hnga mipi chuak vak hin hlah uh tiah a rak chim cang na in tuzing kahdohnak a chuah cuahmah lio zongah kan mah kel te bak in kan chuak vak thiam ko rih mi hi cu a poi tuk.

Ralhrang nih mipi renrenh nak an kan neih lo ning le mipi um nak le i fun tom nak hmun deuh paoh an kah doh thluahmah cang.tuzing zong ralhrang nih an mah ruah domh nak in Nihin zingka Halkha thar lam tonnak gate i kahdohnak ruangah ralhrang nih Inn sop rup an kah.

Atu ning te in kahdohnak ah mipi ningcang kan tlaih lo i cu hlan ning tein kan um cawlcangh ko a si ah cun Mipi a thi mi kan tam chin lai pin ah Mipi kan ralkap hna caah le inn lo tibantuk nih a tuar chin lengmang lai.Ralhrang nih mipi an kan kahthah te lai i mipi kan mah le kan mah karlak ah ningcang lo thil a chuak kho ti hi rak thei.

Author: Salai Ephraim