Hakha Ralhrang Pawl Nih Sanpiah Boarder Sawng Le An Zumh Lo Deuh Mi Inn Paoh Lut In An Check

Kawl Ralkap nih Hakha khualak an check.September 29 Hakha Lamtonnak, Kaungkyaik lakphak dawr pawng hrawng le Sanpiah Boarder sawng pawng hrawng ah Kawl Ralkap nih mi an check cuahmah tiah kan theih.

“Nihin zaanlei 1:45 PM hrawng khan an check cang. Motorcycle toolbox, phone le thil dangdang an check,” tiah khuami pakhat nih The Hakha Times ah a chim.A cunglei an checknak hmun pin ah Khuathar lei le Kohkun lampial hrawng zong ah an check tiah kan theih.

Relchap: Kawlram ralkap ah raltuk a thiam tiah rak hngalhmi Major Thawng Za Lian nih kan miphun sinah siaherh bia a kan cahmi ngaih cio dingin kan sawm hna. A luancia kum 7 lio ah a rak chimmi asi nain a bia hi a tulio zongah a nung. Kan herh taktakmi asi.

Amah hi Hakha Khuathar Captain Za Hup fa asi i, Kawlram ralkap ah kum 20 leng a rak tuan. Raltuk ah amin a thang taktakmi a rak si. Major rank in, a rank kai ding ah Khrihfa sinak kaltaak dingin an rak namneh ruangah ralkap in a chuak.

Thutdenh sang duh ah a Miphun le a Biaknak a kaltak lomi, zumhtlak pasal tha asi.
KIA i bulawng (Defence Academy) sianginn ah siseh, CNA ralbawi hna zong training a va pek lengmang hna. Atu i CNA hmunpi Camp Victoria zong khi amah nih hmun a thimmi asi.Atu zongah NUG i Runvennak le Humhimnak lei ah rian pipa an khinh caah, imanh lo taktak in rian a tuan cuahmah lio asi. “Kanpa a nun dam ko seh”.CCN Channel

Credit: Ram Tinthei

Author: Salai Ephraim