Hakha Ralhrangbu Siknawh Latu Pawl Cu An Cei Ko Lai Hih

Hakha SAC Tender a Latu pawl October 1 Thawk in CDF-Hakha nih Dantat Timh.Hakha SAC nih a auhmi Tender le a dangdang rian pawl a latu/aa tlaihtu pawl fu October 1 thawk in fak fak piin dantatnak pek an si lai, tiah CDF-Hakha nih ca an chuah. September 5 ah khan CDF-Hakha nih cathanh an rak chuah cang i, September thlathih tiang lawng SAC Tender rian ttuannak nawl pek nan si lai, tiah thawngthanh nak an rak tuah.

Relchap:Vuangtu Ralhrang Sakhan Kongah Vuangtu Khuami Nih Chimmi. Thawng pang  tha taktak kan thanh hna. Nihin kan khua Vuangtu ah Helicopter a zuannak kongah lai media cheukhat nih a phun2 in an tial i an chim. A sinain Vuangtu ah a um mi anmah ralkap tu hna kha an rak lak hna tiah thawng kan theih.

A ruang cu nizan ah anmah ei lio mi facang dip 20 khua mi sinah an zuar, cun nihin ah chihti le pe,ngapih le a dang2 zong khua mi sinah an zuar, cu lawng si lo in a mah ဗိုလ်ကြီး Pa zong nih kan khua ah a hawipa Pu Lal Hnin ( Sui Ki pa) kha Hakha in Phone a chonh i Sakhan lengah, pongah facang dip 30 le chiti ka chiah mah kha khua mi sifak deuh rak phawt hna u law a ti, cun a mah ဗိုလ်ကြီး pa Cycle zong kha rak i lak te law tiah mitthli he Sui Ki pa cu phone a chonh .

Cucaah Vuangtu sakhan cu an chuah tak, kir tak cang tiah thawngpang tha kan thanh ve hna. Cu caah nu le pa hna khuadang ah a zam mi le Mizo ramah a kal mi kan nu le kan pa le pawl kha rak kir cang hna sehlaw a tha lai, a ruang cu khua dang hna ah a kan liam tak sual lai. Kan khua ah tihawk, phanawk a um ti lo. Halelluijah tiah au peng ding tu kan si hna Amen.

Credit: The Chin Post

Author: Salai Ephraim