Chin ram kulh chung khuapi a si mi hna Hakha,Thantlang,Matupi ah Chin ralkap rian caan saupi a rak t’uantu hna mi ral t’ha le pasal t’ha pawl hna philhlonak le Upat pek nak caah Hakha khuapi chungah an lungphun piak dingin timh lamhnak an ngei tiah theih a si.Hi lungphun nak konghe pehtlai in t’uanvo ngeitu committee chairman Pu Thla Hre nih cun kan Chin pasal t’ha hna philhlonak caah tuah dingmi a si tiah a chim.
Cun,hi thil truah kan timh mi cu Chin miphun ni theng teah On nak tuah kho dingin timhlamhnak kan ngei.curuangah ramchung ramleng lei in tlawm a ngai kho mi hna pehtleihnak zong kan tuah.Hakha, Thantlang, Matupi peng hna chung ah Chin ralkap rian a rak t’uantu hna minung 90 renglo an um i,cu hna an min cu an dihlak tein lungphun cungah tarlangh dih an si lai tiah a chim.
Amahbelte Khuapi dangdang ah Chin pasal t’ha hna an um rih ko hna nain cu an dihlak in tuah khawh a si rih lo caah hmun dang thil cu kan chiah rih i,Hakha, Thantlang,Matupi lawngin kan langhter rih nak cu a si tiah a chim fawn.cun,a tutan ah hi thil tuah kan i timh mi kongah a cozah lei in zei hmanh an kan bawmchan lai lo,kan mah tein kan heu lio mi le phaisa a dih ding mi vialte hna cu kan i tum dih fawn lai tiah committee chairman Pu Thla Hre nih a chim.
Cun,General Aung San zuk lem an tuah ruangah hi thil hi tuah kan timh mi a si lo,a cozah lei zong nih zei hmanh an kan bawmhchanh mi a tel lo.kan mah thazaang te in hi thil hi kan tuah awk a si ko tiah tuah kan i timh mi tu a si deuh. hi thil kan tuah nak dingah phaisa ting 250 renglo cu a dih lai.cucaah hi thil hi kan tlamtlinh khawh nak hnga ti in ram chung ramleng ah pehtleihnak tuah cuahmah a si tiah a chim.
Credit: chindwinpost
