Hakha Um Kan Mp Pakhat Cu Ralhrang Vanlawng In Naypidaw A Phan Zeidah A Tuah Hnga

2020 election ah MP aa cuhmi pakhat pa cu, Halkha in Yangon, Naypidaw ah ralhrang helicopter in a kal, tihni ah ralhrang helicopter in HK ah a rak tlung tthan.SAC vuanci,Upa chungtel ah minbunh mi si fawn lo.Ralhrang helicopter in duh chung aa chawklet cangmi hi zeitiang khi dah a va phum cang hnga tikha ruah lo awk attha hrim lo; cucaah zoh tthat in zoh men awk ttha ding silo tiah ka ruah tiah Salai Williams Hlawnceu nih a vun tarlangh.

Relchap; Chinland Defense Force (Zophei) pasal ttha, nusal ttha pawl he an Headquarters ah siseh, Zophei ram Aibur khua an Office ah siseh kan ni tawn lio le kan Chinram a himnak ca le kan miphun zalawnnak ca i ral a doh nak ah hliamhma a tuar lio mi kan Chin paral ttha Ralbawi Bawi Min Lian (Aibur) an inn ah ka va len lio hmanthlak pawl!

Kan Chin Pasalttha Bawi Min Lian hi unau pa pa(3) chuak an si i, an unau (3) in kan Chin miphun caah ral a do. CDF (Zophei) ah an lut. A nai Lungkhar an ni kah nak ah meithal ngan nih a khen i a pum chung ah an chuah khawh rih lo mi kuancik (6) a um rih. Ka hliamhma ruang ah ka cawl khawh lo mi cu ka thin a hung tuk. Ka hawi, ka nau le keimah tel lo in anmah lawng ral he an ni kah ding ka ruat ah ka celh bak lo a ka ti.

A lungthin ah Kawl ttihnak sam-fa tia hmanh a um lo. A ngamh tuk hna. A hawi le ral an va tuk lio ah a tel pi khawh ti lo mi a ruah ah a sia an herh tuk. Chin miphun kan symbol Vakok lungput hawi caah nun, hawikawm zam tak lo kan ti mi hi Pasalttha Bawi Min Lian lungput bak hi a si. An ni kah lio ah a zenthawng (ammunition) a dih, hle ah kuan nih a rak khen caah ral meithal ngan va la kho ding a si nain, a la manh lo.

Kan miphun a rak kan that ding, kan ral an kan thah piak, a kan kham piak. Bawi Min Lian kan miphun nih kan tuar ding na kan tuar piak. Kan ni lawm tuk!Pathian kan pa nih damnak pe zau seh law, a hawi le kan Chin ralkap vialte he kan ral kan tei dih tiang an ral tuk nak vialte ah himnak le nundam nak pee ko hna seh.Ram ttha a phan mi kan Chin miphun vialte nih kan Chin ralkap kan nin philh bal hna lo, nan hnu ah fek te in kan dir zungzal ko!

Credit:Daniel Sakhong

Author: Salai Ephraim