Halkha, Khuathar ah Inn a sak mi pawl hna konghe pehtlai a cozah nih cun phungning lo in Inn an rak sak mi a si caah t’het dih dingin nawl a chuah. Halkha khuathar ah hi a tu ah Inn 130 renglo deuh Inn sak cia a si.hi konghe pehtlai a cozah nih a chim ningah cun Halkha, Khuathar ah Inn an sak mi pawl hna hi a cozah nih Halkha Khuathar project hrangah hmun a zuah mi hna an si i,cu hmunhma a zuah mi chungah cun Inn 130 hna hi an sak mi a si caah thla thum hlan ah an neitu hna nih an t’heh/rawh lo a si ah cun phur piak dih an si lai tiah theih a si.
Stae Municipal committee rian t’uantu hna lak i an hruaitu a si mi Pu Hlawn Sa Vung nih cun Halkha khuathar ah an mah duh paoh in Inn a sa mi hna konghe pehtlai in June thla lio ah ralrin nak le theihternak pek an si cang.asinain Agust thla tiang hngah/ngan an si lai i,khi tiangah an t’heh duh lo a si ah cun phur piak dih an si lai tiah a chim. cun, Halkha khuathar ah Inn a sa mi zei maw zat hna nih cun kan chim ning te in a sak cia a Inn cu a rawk/t’het mi zong an um ve.asinain a tu tiang a rawk duh bak lo mi,a chang rih mi tampi an um rih,khi hmun ah Inn a dir mi hi 130 renglo deuh a si tiah a chim.
A cozah nih nih Halkha khuathar ah project a tuah hlan ah cun khi hmun ah khin Inn 8 te lawng a rak dir i,a cozah nih project a vun dir le cangka tein mipi nih an mah nawl bak in Inn cu an sak cio.an Inn sak mi hna zong Inn puitling si lo in Thlam ngaw tete,fa te te in an sak hna.a cozah nih khi hmun ah Thlam ngaw tete in an sak mi Inn cu t’het/rawk dingin a vun ti tik ah mizei maw hna nih cun, khi hmun cu kan pu pa chan in kan loram a si,kan pupa hna ro a si tiah an t’ang i,taza an kan cuai.an pupa loram a sinak le an pupa ro a sinak tehte le pakhat hmanh an nei fawn t’unglo.mi zei maw hna nih cun an duh paoh in leiram cu an zuar fawn.
Halkha loram a si an ti mi cu Tantlang le Matupi lei mirum pawl hna nih an duh paoh in an rak cawk fawn t’ung hna.an mah duh paoh in Inn an sak nak hmun hi Halkha Golf Palayground velchum ekah 600 tluk hmun ah a si.a cozah sin ah khi hmun umtu ning dothlat hma sa lo in an duh paoh an icawk mi le Inn an i sak mi cu ningcang thil a si loh tiah a chim.hi konghe pehtlai Chin State level in thingram kongah rian t’uantu Chairman U Hrang Kil nih cun a Cozah nih Halkha Loram kongah mah bantuk in rian a t’uanmi cu ka fian lo mi tampi a um tiah a chim.zeicahtiah a cozah phung- hram kan zoh a si ah cun ram t’hancho nak rian kan t’uan a si ah cun Loram a rak neitu hna sinah an tinco awk a si mi pek hrimhrim ding a si tiah a um fawn.
A ngaingai kan tiah cun a cozah nih Inn rawh piak a timh hna a si ah cun Loram a neitu hna sin ah an tinco awk a si mi cu a pek ve hna awk a si. Halkha khuathar Inn satu hna nih khi hmun cu kan pu pa ro a si tiah t’ha tein an chim,cucu thil sining a si ko tiah a chim.cun, a cozah nih khi hmun ah Inn rawh piak a timh mi hna lak ah khin Mara Baptist Church Biakinn ram ekah 7 tluk a tel tiah a chim.
Credit: Free
