Halkha lunglaknak Keivaangzaun tlang konghe pehtlai in kan hnung lei ah mi tampi nih a konglam an rak chim cang. Keivaangzaun tlang hi Timit cung bak ah a um mi tlang lian ngai mi pakhat a si.mi tampi nih lunglaknak ah an hman caah tlawng dawh ngai a rak si mi cu a tu ah cun a t’en cuahmah cang pin ah khualthlawng lamle mi hna caah t’ihnung ngai ah a cang.
Keivaangzaun tlang ah lung tam lak te lak a si cang i cu hlan ah cun lunghmun a si caah zei tluk ruahti a tam le tlang a cimh hmanh ah fek t’hup in a um mi tlang a rak si.asinain a tu ah cun lungtam tuk an lak cang caah Keivaangzaun tlang a chak lei kam in cimhhram aa thok cuahmah cang tiah theih a si.
Cun May thla donghlei ah khan Keivaangzaun tlang a chak lei kam in vawlei a cim i khualtlawng lamle mi hna tampi cikhat cu a rak hrem cang hna.cun a tu zongah a cim cuahmah dingin a um peng rih ti a si.hi konghe pehtlai in Lam lei t’uanvo neitu hna nih May thla chung t’hiamthiam ah khan voi khat cu an rak siam remh cang na in a tlang chak lei in a cim ding tampi a um cang tiah an chim.
Cun Keivaangzaun tlangah lung a latu Ko San Htun nih a chim ningah cun Keivaangzaun tlang cu lung an lak peng a si ah cun a cim dih te lai.zeicatiah a tu ah hin zei maw zat cu a cim/tla cang na in a cim cia mi nak in cimh a tim mi hi t’ihnung deuh a si tiah a chim.cu caah Keivaangzaun tlang tang bak in Moto lampi an kalter mi cu hmun dang in a tlang khi hrial nak Lam a kawl ah a t’ha cem.cu ti an tuah lo ah cun khual tlawng lamle mi hna caah t’ihnung ngai a si tiah a chim.
