Nizan nai teah khan Halkha/Hakha lunglaknak a si mi Keivangzaun tlang t’ihnung a sinak konghe pehtlai in kan rak chim cang.hi Keivanzaun tlang hi Halkha le ThanTlang karlak ah a um i Timit cungah a um mi tlang a si.ThanTlang in Halkha lei kal ah cun Keivangzaun tlang tang bak in Moto lam a kal caah duh zong duh lo zongah Keivangzaun tlang tang bak in um kal a hau i hrial nak ding lam dang a um loh.
Keivangzaun tlang ah lung a la cuahmah mi hna chung in minung pakhat nih a chim mi cu,”Keivangzau tlang cu Halkha nih lunglaknak ah an hman caah t’ihnung ngai a si.zei maw zat cu lung zong a tawlh cang i,a tu a dirhmun ah cun cu hlan i a rak tawlh mi thing le lung hna nak tam kha a tawlh ding a um rih caah Keivangzaun tlang tang in moto lampi an kalter mi cu an let i lamdang an ngaih tuah a hau lai”tiah a rak chim.
Cu tibantuk in lunglatu nih a chim bu ah Halkha lei nih lung cu an lak cuahmah peng rih tik ah The Halkha Post nih cun june 10.2019 ni ah hi ti’n thawngthanhnak le theihternak an tuah.Hakha in Thantlang lei kalnak lam km6-7 kar, meng 2/5-6 kar hmun t’ih a nung mi Keivangzaun lung laaknak cu a tanglei ni le caan ah tuahhremh ding a si caah Hakha le Thantlang kar a umkal ding mi sin ah lam phih caan le kal khawh caan a tanglei bantuk in kan in thanh hna.
Credit: Photo and The Hakha Post.
