Halkha PK Pawl Hna Nih Kan Fa Le An Tleih Tik Hna Ah Phaisa Cawiter Lo In Thonginn Tuah Rak Kan Thlak Piak Hna Sehlaw Kan Duh

Salai Thawngpi: Biahalnak – The Hakha Post nih zapi aw an chuahmi ah “PK nih kan fale tangka an liamter hna tikah nulepa nih tangka liampiak an si. Sifak ca cun a fawi lo. Thawng tu kan thlakpiak hna selaw kan duh” a timi he pehtlai in tangka liam loin thawngthlak ningcang a um el maw?

Bialehnak – PK hi mi tlaitu lawng an si. Tangka liamtertu an si lo. Tangka liamter khawhnak nawl an ngei lo.Mi pakhat nih mawt’aw phung a buar tikah PK nih an tlaih lai i Palek sin ah an ap lai. Palek nih Biacaih zung ah an chuahpi lai.

Credit:Salai Thawngpi

Biacaih zung nih an mawh ning in tangka liamter a si. Tangka an liamter tikah pek awk an ngeih lo a si ahcun (rian t’uan lo) ni 7 thawngthlak dingin biachah a si. Cu caah tangka liam awk a ngei lomi cu thawngthlak i thim khawh a si ko. Anmah nawl a si.

 

Biachap: Halkha PK rian t’uan ning le Halkha khuapi chungah a um mi Puitling an si ah Mino an si ah hi ti bantuk in an buaibainak hna hi a ngaingai kan ti ah cun a mah khi a plh tiah fiang ko in chim phuan awk t’ha a si tuk lai lo dah!zeicahtiah cun PK nih phungning tein rian an t’uan tuk ve lo pin ah,Mipi hna zong nih phungning tein moto le moto-cycle a hmangmi an tlawm tuk ve fawn.

Cun,a ngaingai tiah cun PK pawl hna nih cu bantuk minung ningcanglo in a um kal mi hna an hmuh hna tik ah an paw-ket phaisa kawl nak ah an rak hman fawn hna.Mipi zei maw zat hna nih PK phunghram an thei mi an rak um ve fawn tik ah thil fawi cu a si ruam lo hih! hi zawn ah nang te zei tin dah na hmuh ning le na ruah ning a si ve?

Related Posts