Gaza Strip ram a pentu hna Palestin hawi t’ha Hamas pawl hna nih cun Qutar ram nih Gaza ram chung khuasa mi hna Palestin miharsa pawl hna caah bawmhnak an pek mi chawva vialte hna cu Israel cozah nih kham piak a timh hna caah Hamas nih Israel cu faklak in ralrin nak a peh t’han rih.
Hamas pawl hna nih cun,”Israel Qatar ram nih Gaza ram chung khuasa mi hna le mi harsa mi hna caah bawmhnak chawva pek a si mi cu na kham hna a si ah cun Israel ram cu nang mah le nang mah rawh nak ding lam na sial piak bantuk a si lai”tiah a hrocer t’han tiah an chim.
Qatar ram nih hin West Bank le Gaza Strip ram chungah khuasa mi hna Palestin ram miharsa pawl hna caah bawmh nak phaisa US Dollar 480 million a bawmh hna.asinain i cu phaisa cu Israel nih Gaza ram chungah a luh khawh lo nak dingin a kham piak diam ve hna.
Qatar nih bawmhnak a pek mi hna US Dollar 480 million chungah hin Dollar mtd 300 tluk cu Palestin cozah kut ah pek dingmi an si i,cucu Palestin cozah nih a herh a ti nak ah a hman khawh dingmi a si.cun Dollar mtd 180 cu UN rian t’uan nak le Palestin cozah karlak i pehtleihnak caah hman ding mi a si.
Cun,Qatar nih Gaza ram chung khuasa mi Palestin ram mi hna caah bawmhnak a pek mi hna konghe pehtlai in Qatar nih palai a thlah mi cu Mohammed Al Amadi a si.Mohammed Al Amadi nih cun hi thil kongah thil fello um dawh a si caah a rauh hlan ah Israel cozah le Hamas official pawl hna cu ton biaruahnak an ngei cawlh lai tiah a chim.
Source: BBC
