Gaza Strip ah a um mi Palestine-Hamas pawl hna nih cun Israel ram cu ithimnak a tuah t’han ding an si caah Middle East ram chungah khuasa Hamas miphun vialte hna cu Israel le Gaza ramri ah kan ra lai i,hi Israel ithimnak ah Prime Minister Benjamin Netanyahu nih teinak a hmuh khawh lo nak dingin hna hnawh nak kan pek lai tiah an chim.cun hi thil kan i timhmi cu Prime Minister Benjamin Netanyahu caah cun zaan mangchia bantuk a si lai tiah an chim.
Cun Gaza ram chungah a um mi Hamas terror group hruaitu minglanghter lo mi pakhat nih cun Israel ithimnak ah Prime Minister Benjamin Netanyahu buainak pek dingah thawngthanhnak kan i tuah dih cang tiah a chim.cun American cozah nih Bahrain khuapi chungah economic workshop plant tuah a timh mi zong hi Middle East ram hna nih cun mi zei hmanh nih an telpi hna awk an si lai lo tiah a chim.
Asinain US Trump cozah nih Bahrain khuapi chungah economic workshop plant tuah a timh ah cun Middle East ram chungin Jordan le Egypt ram hna cu itel dingin biachahnak an tuah cang tiah White House nih a chim.hi ruangah Palestinian Authority President Mahmoud Abbas nih Jordan le Egypt ram hna cu thilti khawh nak le thazaang a neilo mi hna an si.US nih hi thil tuah a timhnak a sullam an theihlo biatu a si tiah a chim.
Israel le Hamas kongah Qatari ram Envoy Mohammed al-Emadi cu Gaza ram ah a kal i palestine-Hamas pawl hna le Israel ram cu remdaihnak ser t’han dingin nawlpatnak a tuah na in Hamas pawl hna nih an duhlo.Qatari ram Envoy Mohammed al-Emadi nih cun $30 million a ken i cu phaisa hna cu Gaza ram chungah a um mi,miharsa pawl a van bawmh hna lio ah Gaza ram chung Inn sangpi pakhat cungin Israel ram lei ah rocket an kah i Israel Iron Dome missile defense system nih a rak tleih.cu tlawmpal ah Israel nih lehnak a tuah cawlh na in mi zei hmanh hliamhma a tuar mi an um lo tiah an chim.
Source: Israel time
