Hezbollah chief Hassan Nasrallah nih cun US nih a duhtawk in Iran ram cu kap in doh hmanh sehlaw Iran nih cun Israel ram cungah pei a t’uan ve lai cu tiah a chim.US nih cun Iran ram rawh dingah a cozah ralkap le a hriamnam zei maw zat hna cu Persian Gulf ah a chiah hna.asinain Iran nih cun US a cawlcanghnak cu zei hmanh ah a rel lo tuah a duhmi thil hna cu a tuah peng ko tiah a chim.
Cun US nih Iran a kah sual a si ah cun Iran nih US lehrulh a tim lo i Israel ramtu kah a timh.Iran nih Israel ram rawhnak ding caah a hriamnam hna cu timhcia in a chiah dih cang hna tiah a chim.cun Iran nih hin Israel ram lawng si lo in Saudi Arabia ram zong kah an timh fawn.a mah belte US nih Iran a kah lo a si ah cun Iran nih Israel le Saudi Arabia ram cu kah a tim ve hna loh,US cozah sining tu a zoh cuahmah tiah a chim.
Cun US nih Iran a kah a si ah cun Iran lawng a kah a si lai lo i Middle East ram pumpi an tho lai i Lebanon nih Israel cu a kah lai.Lebanon cu Iran ram a dirkamhtu an si bantuk in Israel a rawk kho ding hriamnam le ralkap cu Lebanon nih a neih tiah a chim.cun Israel ram lawng si lo in Lebanon nih hin Middle East ram chung dihlak a rawk khotu prescision missiles hriamnam a neih.
Lebanon nih Israel cu kah a timh peng na in Israel le Gaza karlak thil kongah a kah lo mitu a si tiah a chim.Israel nih hin Lebanon lawng si lo in Gaza ralhrang pawl hna le, Syria le Iran, Iraq ram nih an neih mi missile bomb hna cu aa veng cawk hna lai lo tiah Hezbollah misual chief Hassan Nasrallah nih a chim.
Source: CNN