Vawlei cung Khrihfa tampi nih kan sunghsak taktak mi Mother’s Day cu ram kip nih sunglawi ngai in kan hman khawh cio,asinain Thailand ram mi Pu.Chatchai Parnuthai cu a Nupi he Fa pahnih an neih ah a Nupi nih cun a rak thihtak hna.
A Fa le pahnih hna cu Sianginn a chiah nak nih sunglawi taktak in Mother’s Day cu tuah an timh tik ah a Fa le hna nih cun ka Pa kan nih cu Hringtu Nu kan nei ti lo i kan i tel lo ah a t’ha deuh lai tiah an ruah tik ah,”Pu.Chatchai Parnuthai nih cun a Fa le hna cu a mitthli he ka Fa le nan ngaihchia hlah uh,Pathian nih Nu cu an pek ko hna lai rak kal ulaw nan Nu cu ka vun hruai lai tiah a chimh hna” tiah an chim.
Cun Pu.Chatchai Parnuthai nih cun an Nu cann ah a chiah mi a Nupi thuamthil hna cu i hruk in a Nupi nih a sam (muuri) a hei ning bantuk tein a tuah i a Nupi nun lio a sining bantuk tein an tuah t’amh hnu ah a Fa le hawi hngar lai a celh lo caah cu ti cun a Fa le Mother’s Day an tuah nak ah cun a va kal i Nu hna sin ah cun a va t’hut ve tik ah mipi le a Fa le hna cu lunglomhnak in an khat i cu Mother’s Day an tuah nak hmun ah a um mi mipi vialte hna cu an mit thli he an i ciah dih tiah an chim.
Mipi hna sin ah Pu.Chatchai Parnuthai nih cun hi t’in a chim,”Vawlei cung ka nun chungah tuchun ni bantuk in ka lawmh hi a um bal lo,tuchun ni bantuk in kan caah nisung lawi a um ti lai lo tiah a chim”cun cu hmun ah a tel ve mi Pi.Kornpat Sukhom nih cun Pu.Chatchai Parnuthai nih a Fa le a zohkhenh hna ning bantuk in Vawlei cung Pa le vialte hna nih an Fa le hna cu zohkhenh hna sehlaw Vawlei hi Vanram kan ti mi cu a si ko hnga tiah a chim.
Ref: Buzzfeednews
