Pakistan ram chung khuapi a si mi Mirpur Khas khua Hindu biaknak lei Sibawi doctor pakhat nih cun damlo mi hna zohkhenhnak (clinic)a tuah i cu a clinic ah cun Islamic biaknak chungin mi tampi hna nih an fuh pangh tik ah Islamic biaknak hruaitu pawl hna nih cun Hindu sibawi pa nih hin kan biak nak hi zei ah a kan rello bia a si,kan biaknak a biami Islamic pawl hna cu Hindu ah lak a timh hna ti in Hindu doctor pa sekhan le a inn vialte hna cu mei in an khangh piak dih.
Pakistan ram Islamic biaknak hruaitu pawl hna nih cun (blasphemy laws) ti mi phunghram an nei i hi an phunghram a buar tiah mipakhat biaceih zung i an chuahpi cangmi hna cu an thah hna lo si le an nun chung thong ah thlak dingmi khi an si.cun hi (blasphemy laws) hi an zulphung chungah t’ihnung ngaimi a si ve i Hindu biaknak lei Sibawi doctor caah cun ruahchan nak a um ti lo tiah an chim.
Local leader of the religious political party Jamiat Ulema-e-Islami nih a chim ningah Hindu doctor nih hin an mah sekhan ah a rak ra mi Islam minung tampi hna cu an mah biaknak lei sining kha a cawn piak hna pin ah ningcanglo in minung tampi nuvasualnak a rak tuahpi bal cang caah hi thil a tuah mi cu (blasphemy laws) buartu ah pom piak a si tiah a chim.
Asinain Mirpur Khas khua palik pawl hna nih cun Hindu Sibawi doctor nih hin a tuah sual mi zei hmanh kan hmulo a hlan kan pi in Islamic biaknak hruaitu hna nih an rak target cangmi a si tiah an chim.
Source: BBC