Israel nih a chim ningah cun Hezbollah ralhrang pawl hna nih Lebanon ramri pawngah kan chiah mi hna Israel cozah ralkap um nak cu an hriamnam t’ihnung anti tank missile in voi tampi an kah hna.asinain Israel cozah ralkap hnachung in mithi le hliamhma a tuar mi an um hraw lo tiah a chim.cun, Hezbollah ralhrang pawl hna nih Israel cozah an kah nak hna a sullam cu kan hnu lei ah Israel nih an drone kan rak kah piah mi hna teirul cham nak caah an kan kah mi a si tiah Israel nih a chim.
Cun,Hezbollah ralhrang hna nih Lebanon ramri ah a um mi Israel ralkap a kah hna nak ah hin Israel nih a leh cawlh ve i voi 100 renglo bak kuanfang a hman i cu kuanfang a hman mi hna cu Lebanon ram chunglawng teah an tla dih tiah an chim.hi ruangah hin Hezbollah nih cun Israel nih a kan kah nak ruangah ka ralkap tampi nun nak a liam.cucaah a rauh hlan ah Hezbollah nih Israel ram cu vutcam ah ka canter lai tiah a hrocer t’han rih.
Israel ralkap biaphuangtu Jonathan Conricus nih cun Hezbollah hna hriamnam nih hin kan minung hna cu an kan khenglo na in military ambulance motor zei maw zat an rawh tiah a chim.hi konghe pehtlai in Lebanon prime minister Saad Hariri nih US Secretary of State Mike Pompeo le France ram hna cu a chawnh hna tik ah nan mah ruangah hi thil hi a cangmi a si tiah sual a phawt hna.
Atutan i Israel le Hezbollah ralhrang hna an i kah nak ruangah Lebanon prime minister Saad Hariri nih US le France ram ruangah a si.cucaah hi thil hi a um ti nak hngalo US le France nih a ran nak in remdaihnak nan kan tuah piak nak lai kan duh tiah nawlpatnak zong a tuah cawlh hna tiah an chim. asinain Israel prime minister Benjamin Netanyahu nih cun Lebanon ramri ah khuasa mi Hezbollah ralhrang pawl hna he ral thawh dingah Israel cu timhcia ka si an cawl cangh hlan ah Israel a cawl lai.an mah he i doh dingah zei thil hmanh tuah le tuar hau hmanh sehlaw timhcia kan si tiah a chim.
Source: BBC
