Hngakchia Firtu Nu Pakhat Cu A Tu Naite Ah Khan Aizawl Khuapi Chungah An Tleih Khawh

Tu lio ah a lar ngaimi cu kawl ram chungah le Mizo/Lushei ram chungah Hngakchia zei theih rihlo mi hna fir le pa Tilmu lak piak a si.nai teah khan Mzo ram chung (Thualthu) khua ti mi ah hngakchia zei thei rihlo mi hna cu an fir i, cu hngakchia a fir tuah an puh mi Lalnunsangi ti mi cu tu zanlei ah khan Aizawl khuapi chungah tleih a si tiah an chim.

 

Cun hngakchia firtu ah an puh mi Nu hi Aizawl khuapi chung Thuampui vengah khuasa mi a si i,a hngakchia fir mi le a mah cu an um nak inn bak ah an va tleih khawh i,hngakchia te zong cu nung dam tein hmuh le chanh manh a si tiah an chim.

Lalnunsangi le hngakchia a firmi hna photo.

Amahbelte Lalnunsangi nih hi hngakchia hi zei ruangah dah a fir ti cu hal le theih a si rihlo caah a fir nak sullam cu zei hmanh theih a si rihlo tiah an chim.Lalnunsangi hi hngakchia hi zei ruangah dah a fir hnga?hngakchia a taksa fenfawng le a taksa t’ee vialte hna zoh tik ah a taksa t’ee hna cu an tlamtling dih fawn.

 

Mah bantuk in thil tuah hmang mi hna hi kan kawl ram chung le Mizo ram pumpi chungah an langsar ngaingai cang caah mipi nih i ralrin ngaingai an herh.kan nau fa le hna an mah lawng in um kal ter le lengchuahter hna hi thin phang ngaingai an si cang tiah an chim.

 

Ref: MWN